Lơ̆m 'măng năm tơmang păng akŏm Lêh tơbăt 80 sơnăm Năr tơblah jơnei lơ̆m Tơdrong Tơblah vei lăng teh đak, Tổng Bí thư Tô Lâm atŭm hăm khul kơpal kơ Việt Nam gô đei lơ tơdrong pơma đam kăp gĭt hăm đe kơdră kơpal kơ teh đak Nga, kiơ̆ đơ̆ng noh pơjing đei jơhngơ̆m pran 'nao lơ̆m tơdrong jang hadoi 2 pah lơ̆m lơ tơdrong jang, lơ̆m noh đei dôm tơdrong jang 'nao pran kơtang nhen jang mŭk drăm, tĕch pơdro, asong jang, hơlen khua hŏk, unh hơyuh, kơmăi kơmŏk trong jang 'nao, kơ̆l 'ngok hơgei 'nao. 

Tơgop pơjing đei lơ trong jang 'nao vă pơm jang kiơ̆ tơchơ̆t hơtŏk tơ-iung lơ̆m tơdrong jang tơbôl 2 pah Việt Nam - Nga, kơyuơ tơdrong pơyua kơ kon pơlei 2 teh đak, kơyuơ tơdrong rơngei sơđơ̆ng, jang hadoi păng hơtŏk tơ-iung lơ̆m tơring adoi nhen lơ̆m apŭng plenh teh.