Kiơ̆ tơdrong hơlen năng, mŭk drăm, tơpôl tơ̆ plt lơ̆m 4 khei blŭng sơnăm hơnơ̆ng jang đei ‘lơ̆ng. Akŏm đĭ đăng jên thu đei đơ̆ng chă tơmang lăng lơ̆m khei 4 dang 20.000 ti, tŏk 30% pơting hăm khei âu sơnăm sơ̆… Tơdrong jang hơmet ăn tơdrong hơmet ming anih vei lăng jơ̆p tơring păng khul kơdră pơgơ̆r 2 tăl đei bơ̆ jang tôch hrĕnh, kơchăng, tơtom. Dôm tơdrong jang, trong vă jang tŏk mŭk drăm đei bơ̆jang tôch pran. Lơ tơdrong jang tih, gĭt kăl, trong jang pơm trong gre tơƀưh tơring bơ̆ jang roi hrĕnh.

Mă loi, plt HCM hlôi pơgơ̆r ‘lơ̆ng rim tơdrong tơbăt 50 sơnăm Năr tơblăh iŏk rơngei tơring pơbăh, pơjing đei mĭnh teh đak kơjăp ‘lơ̆ng, pơjing jơhngâm hưch hanh jơ̆p lơ̆m teh đak păng kon pơlei bơ̆n oei xa tơ̆ teh đak đe, kŭm nhen bôl boăl lơ̆m apŭng plenh teh. Đơ̆ng tơdrong lăp đon đơ̆ng kon pơlei, tơdrong pơgơ̆r đang ‘lơ̆ng rim tơdrong âu ki plt Hồ Chí Minh vă tơlĕch trong pơgơ̆r tơdrong Lêh Jing mĭnh mưh truh ‘năr 30/4 rim sơnăm, tơƀôh hơdăh tơdrong ‘lơ̆ng hơiă păng pơjing tơmam chă tơmang lăng, jang kơmăy jŏh ayŏ kơ dŏ xoang kơ plt.