Thủ tướng Phạm Minh Chính hlôi pơgơ̆r jơ bơ̆jang hăm Thủ tướng teh đak Campuchia păng Thủ tướng Lào ƀlep ƀơ̆t ‘măng ngôi tơ̆ Malaysia, vang truh akŏm dôm Hop akŏm. Lơ̆m jơ pơma dơnuh rơhâu păng hiôk, 3 ‘nu Thủ tướng hlôi pơma dơnuh găh dôm tơdrong jang hơdai păng dôm tơdrong apŭng plĕnh teh, tơring vang bơngơ̆t truh.

Pêng Thủ tướng drơ̆ng nơ̆r hơlen lăng lơ tơdrong hiôk jang hơdai 2 pang păng đơ̆ng 3 pang Việt Nam - Campuchia - Lào hlôi păng tŏk bŏk hơtŏk đei yua, tơgop ‘lơ̆ng lơ̆m tơdrong hơmet ming păng hơtŏk ăn jang hơdai 3 teh đak. Pêng Thủ tướng pơma hơdăh tơdrong chĕp vei păng hơtŏk tơdrong joăt joe tơgoăt pôm nơ̆r ƀơ̆r đon, tơgŭm băl đơ̆ng Việt Nam - Campuchia – Lào roi jing kăl hloh, jĭ 1 lơ̆m dôm tơdrong tơm pơtrŭt jang hơdai kơjăp đơ̆ng 3 teh đak.