Tơdrong tơgoăt tơgoăl chinh trĭ ‘lơ̆ng liĕm ƀar teh đak đei ƀôh hơdăh kiơ̆ rim ‘măng khul kơdră kơpal năm ngôi dih băl. Mă kăl, khei 10/2024, Tổng Bí thư, Kơdră chĕp pơgơ̆r Teh đak Tô Lâm iung năm tơmang Phalăng păng ƀar teh đak hlôi tơlĕch nơ̆r Tơchơ̆t atŭm găh pơm hơtŏk tơgoăt tơgoăl Việt Nam - Phalăng jing jang hơdoi gĭt kăl Tôm tong. Lơ loh, Phalăng hlôi jing teh đak mă blŭng lơ̆m khul Jơnŭm atŭm châu Âu đei tơgoăt tơgoăl kơtang hloh hăm Việt Nam. Tơdrong Ƀok Kơdră tơm Phalăng rơih Việt Nam iung năm tơmang mă blŭng lơ̆m ‘măng iung năm tơmang lơ̆m tơring đơ̆ng ƀok, tơƀôh hơdăh tơdrong lăng ba kơjăp mă Phalăng ‘măn ăn tơgoăt tơgoăl dih băl hăm Việt Nam. Lăp đơ̆ng rŏng pơm lêh sơng, Kơdră chĕp pơgơ̆r teh đak Lương Cường hăm Ƀok kơdră tơm Emmanuel Macron vang chĕp kơ̆l khul kơdră tang măt ƀar teh đak pơgơ̆r pơma đam vă pơma dơnuh rim trong jang tơgop pơm hơtŏk kơtang hloh dpơ̆ng, jơnei hloh dơ̆ng tơgoăt tơgoăl Jang hơcdoi gĭt kăl tôm tong kơ ƀar teh đak.