Tổng Bí thư tơchĕng ‘lơ̆ng dôm tơdrong tơmât jên jang đơ̆ng Qualcomm tơ̆ Việt Nam, hôn bơnê grŭp jang hơnơ̆ng pơih xă truh lơ tơdrong jang nhen kơmăy kơmŏk ‘nao, kơmăy rơgei, tơmam bán dẫn, anih jang ki thuơ̆t sô̆. Ƀok hơmĕng Qualcomm gô tơgop hơnhăk Việt Nam jing Anih jang AI păng bán dẫn tơ̆ tơring păng lơ̆m apŭng plenh teh.

Tổng Bí thư pơma hơdăh trong vă jang atŏk tơiung teh đak truh sơnăm 2030 păng 2045, hăm đon pơhnŏng jing teh đak đei iŏk yoa lơ, jang hăm kơmăy kơmŏk ‘nao. Vă jang đei tơdrong ‘nâu, Việt Nam athei tơlĕch lơ tơdrong tơchơ̆t gĭt kăl, pơjing tơdrong ‘lơ̆ng vă atŏk tơiung khoa hŏk, kơmăy kơmŏk, hơtŏk anih jang kơdih păng sơng iŏk jên tơmât jang đơ̆ng teh đak đe, mă loi ‘nŏh lơ̆m dôm tơdrong jang kơmăy kơmŏk gĭt kăl.