Truh dang ei, 10 apŭng, pơlei tơm hlôi dăr hơlen, hơlen lăng khŭl kang ƀô̆, bơngai jang kơ teh đak; jang đang trong jang bơngai jang lơ̆m Khŭl chĕp kơ̆l, Khŭl pơgơ̆r păng Anih jang hơlen lăng dôm xăh, phường đơ̆ng rŏng tơmơ̆t hơdai; hơdai hăm ‘noh hơmet ăn tôm anih jang, tơmam drăm, anih bơ̆jang.

Khŭl chĕp kơ̆l pơgơ̆r Anih jang Đảng dêh char păng Đảng ủy Anih vei lăng kon pơlei dêh char Kon Tum kŭm pơgơ̆r lơ khŭl dăr hơlen yan âu vă vei sơđơ̆ng tơdrong jang proh hơmet anih bơ̆jang pơgơ̆r hiôk, ưh kơ đei pơgăn tơdrong jang, ưh kơ hŭt hoh tơring. Phŏ Bí thư Đảng dêh char Kon Tum Nguyễn Đức Tuy roi tơbăt, tơdrong hơmet ăn bơngai jang athei “ƀlep bơngai, ƀlep tơdrong”, vei sơđơ̆ng tơdrong hơgăt, lăp hăm hơnăp jang păng hơtŏk tơdrong ‘meh lăp, tơmam ‘lơ̆ng rim xăh. Ƀơ̆t mă ưh kơ măh kang ƀô̆, dêh char gô bơ̆jang kiơ̆ pơtruh, pơlơh băl trŏ ƀlep.