Kiơ̆ Tơchơ̆t, rim anih jang hanh chinh đei pơkăp jing 2 tăl: dêh char, pơlei tơm lơ̆m Trung ương păng dôm anih jang tơ̆ dêh char kơyuơ luơ̆t pơkăp. Đơ̆ng năr 1/7, pơtôch tơdrong jang kơ anih jang hanh chinh tơ̆ apŭng lơ̆m jơ̆p teh đak. 'Nguaih kơ noh, Kŏng đoan Việt Nam, Jơnŭm jang gah bơngai jang mir Việt Nam, Đoan Hơdruh Tơdăm, Jơnŭm jang gah đe Drăkăn, Jơnŭm jang gah Khul linh so jing dôm anih jang chinh trĭ - tơpôl oei lơ̆m Măt trâ̆n tôh kuôk Việt Nam.

Tơdrong hơmet ming đei Trung ương, Anih tơm Chinh trĭ, Ƀan ƀĭ thư păng Tổng Bí thư Tô Lâm pơgơ̆r jang kơjăp, jing anih akŏm chinh trĭ kăp gĭt, tơbang tơdrong pơm tơm, gơh hơgei gah kơ̆l 'ngok, tơnăp hăm sơnong jang, đon băt 'mêm kơ teh đak đơ̆ng tôm kon pơlei.