Thủ tướng Phạm Minh Chính pơgơ̆r hop akŏm Jơnŭm roi tơƀôh tơdrong jang tơgŭm
Thứ bảy, 15:12, 26/04/2025
VOV/Thuem tơblơ̆
VOV/Thuem tơblơ̆
VOV4.Bahnar - Thủ tướng Phạm Minh Chính ‘nao pơgơ̆r ‘măng hop akŏm mă blŭng hăm Jơnŭm roi tơbăt tơdrong jang tơgŭm - anih jang ‘nao đei pơjing vă tơchĕng hơlen, roi tơƀôh, tơlĕch dôm tơdrong jang tơgŭm hơtŏk tơiung ăn Khŭl kơdră teh đak.
Dôm bơngai tang măt, bơngai jang lơ̆m Jơnŭm hlôi akŏm pơma dơnuh, tơgop nơ̆r lơ̆m Tơdrong jang hơtŏk tơiung mŭk drăm kơdih pơtruh pơtôch bơ̆ jang kiơ̆ Trong tơlĕch jang hơtŏk tơiung mŭk drăm - tơpôl sơnăm 2024 păng tơdrong bơ̆jang kiơ̆ Trong tơlĕch jang hơtŏk tơiung mŭk drăm - tơpôl dôm khei blŭng sơnăm 2025 pơtruh ăn Quốc hội tơ̆ ‘măng hop akŏm vă jê̆ truh.
Pơma tơ̆ jơ hop akŏm, Thủ tướng lăng ‘lơ̆ng dôm nơ̆r tơgop ‘lơ̆ng đơ̆ng dôm bơngai jang lơ̆m jơnŭm, hơdai hăm athei dôm anih jang ƀơm truh chih iŏk vă jang pơkeh tơdrong jang tơgŭm; ‘meh vă Jơnŭm hơnơ̆ng đei lơ tơdrong tơgop ‘lơ̆ng, đei yua, tơgop pơjing păng bơ̆jang kiơ̆ tơdrong jang tơgŭm trŏ ƀlep, yua kơ tơdrong đei yua ăn teh đak păng kon pơlei.
Viết bình luận