Pơma ah hop akŏm, Thủ tướng Phạm Minh Chính ră hơdah: Apŭng plenh teh tơplih tenh, tơnap tap, tơhlăk tơhlĭn. Hăm Việt Nam, tơdrong iŏk thuê̆ tŏk truh  46% gô tơrĕk ƀôh hơdah truh tơdrong tĕch răt tơmam drăm hăm teh đak đe, tơrĕk tih tên truh bơngai pơm jang, anih jang mŭk drăm.

Đơ̆ng rŏng kơ mơ̆ng nơ̆r pơtruh đơ̆ng Kơdră anih jang tang măt ăn Việt Nam tơ̆ teh đak đe, Thủ tướng akhan: dôm tơdrong tơjră đơ̆ng dôm teh đak hăm tơchơ̆t iŏk thuê̆ 'nao, mă kăl noh thuê̆ ƀar pah phara băl, kiơ̆ kơ tơdrong tơrĕk hăm jang mŭk drăm. Thủ tướng pơgơ̆r hăm đe kơdră anih jang tang măt lơ̆m khei năr truh, kơchăng gah kơtơ̆ng ang, trong pơm jang tơjră lơ̆m tŏ sĕt khei năr đơ̆ng dôm teh đak hăm Hoa Kỳ hơtŏk thuê̆.