Hla bar pơtruh ră hơdah: khei năr tơjê̆ ou, kơjă minh ƀar tơmam ming man, mă hăt noh chuơh, rơga, tơmo, gŏch, tơmam pơm drơh... tŏk ưh mah ê, pơrăm kơtă truh jên huach ming man.

Vă tom hơmet pơ-'lơ̆ng dôm tơdrong ou, vei sơđơ̆ng kơjă tơmam ming man păng vei sơđơ̆ng tơdrong ming man dơnơm kơ teh đak, adoi nhen pơtrŏ hăm tơdrong kăl ming man kơ kon pơlei, Thủ tướng teh đak pơgơ̆r rim anih jang tơm, dah jang hơdoi kơjăp hăm dôm tơring chă hơlen hơnơ̆ng tơdrong tơplih lơ̆m tĕch răt tơmam ming man vă đei trong tơjur kơjă tơtom; Tenh kuăng keh đang kiơ̆ pơkăp pơm kơđeh Tơchơ̆t hơdah minh ƀar tơdrong iŏk yua Luơ̆t Groi Teh păng mŭk drăm tơmo kăp gĭt hơdrol kơ năr 1/7/2025; Tenh kuăng hơlen, kăt tơjur dôm hla bar hanh chinh gah teh, sơkơ̆t hơdah tơdrong răm hăm cham char đơ̆ng tơdrong chă sir kôch tơmo kăp gĭt; Hơtŏk hơlen tơdrong jang sir kôch tơmo gĭt đei asong hla bar phep pơm jang; hơlen, sek tơlang tơnăp dôm hơnih jang, bơngai jang pơm glăi gah tơdrong tĕch răt tơmam ming man glăi, pơyua ăn kơdih lơ̆m tơdrong jang ming man, tĕch răt tơmam drăm ming man.