Thủ tướng sơng Kơdră chĕp kơ̆l Anih jang tŏk rơgŏh ‘lơ̆ng kơ plei teh
Thứ sáu, 10:40, 18/04/2025
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - Pơgê 17/4, tơ̆ ‘ngoăih Hop akŏm tih Khul jang hơdoi yoa tơdrong jang tŏk rơgŏh ‘lơ̆ng păng Đon pơhnŏng bơ̆ jang jơ̆p plei teh truh sơnăm 2030 ‘măng mă 4, Thủ tướng Phạm Minh Chính sơng ƀok Sang-Hyup Kim, Kơdră chĕp kơ̆l Anih jang tŏk rơgŏh ‘lơ̆ng jơ̆p plei teh (GGGI).
Thủ tướng tơchĕng ‘lơ̆ng hơnăp jang đơ̆ng GGGI mưh hơtŏk trong jang tŏk rơgŏh ‘lơ̆ng păng bơ̆ jang yoa tŏ ‘mi kial jơ̆p plei teh. Đơ̆ng 2017-2024, Anih hlôi tơgŭm ki thuơ̆t ăn 15 anih jang kơ Việt Nam lơ̆m dôm tơdrong jang nhen: unh hơyuh rơgŏh, choh jang xa ‘moi kiơ̆ tŏ ‘mi kial tơplih...
Thủ tướng bơnê kơ Anih jang tŏk rơgŏh ‘lơ̆ng kơ plei teh hlôi truh tơ̆ Việt Nam lơ̆m 10 sơnăm âu ki, hăm nơ̆r pơkăp tơlĕch jên jang truh 1 ti USD tơ̆ hơnăp kơnh. Kơdră chĕp kơ̆l GGGI Sang-Hyup Kim pơma hơdăh tơdrong ‘mĕh vă pơih xă tơdrong jang hơdoi hăm Việt Nam, tưk tơiung tơdrong tơlĕch trăi phĭu rơgŏh păng athei jăh kĭ pơkăp tơdrong drơ̆ng nơ̆r ‘nao, hơtŏk tơdrong tơgŭm bơ̆n jên, tơmam ăn Anih jang GGGI tơ̆ Việt Nam.
Viết bình luận