Tơ̆ jơ bơ̆ jang, Tổng Bí thư Tô Lâm pơma hơdăh, ‘măng bơ̆ jang hăm Khul kơdră chĕp pơgơ̆r Đảng 2 dêh char Gia Lai hăm Bình Định jĭ tơdrong jang kiơ̆ dơ̆ng trong pơrô̆ jang vă pơih đei jăl atŏk tơ iung ‘nao ăn pơ đĭ ƀar tơring, mă kăl lơ̆m khei ‘năr hơmet ăn hơgrop ƀar dêh char Gia Lai păng Bình Định jing mĭnh hơnih bơ̆ jang-jang mŭk drăm pran kơtang, gơh hơgei, jơnei kơtang hloh dơ̆ng. Lăp đơ̆ng rŏng tơƀôh hơdăh dôm tơdrong đei ‘lơ̆ng kơ iă kơ 2 tơring, Tổng Bí thư hơpơi ‘meh vă, rim khul kơdră chĕp pơgơ̆r đảng, chĕp pơgơ̆r tơring, khul jang chinh trĭ păng khul kang ƀô̆ ƀar tơring kăl băt hlôh ƀôh hơdăh tôm păng iung jang kiơ̆ kơtang dôm tơdrong lei lăi dih băl păng tơgum djru dih băl ƀar păh Gia Lai hăm Bình Định, lăng ‘noh jing hơyak kăl ăn tơdrong pơchoh ăn atŏk tơ iung kơ dêh char lăp đơ̆ng rŏng hơgrop.