Tơdrong pơkăp jơnŭm pơgơ̆r jang kơ tơring (jô̆ pơđĭ tơdrong tơmơ̆t hơdai); tơlĕch jang pơm sơđơ̆ng rim tơdrong jang kơ tơring, tơdrong vei sơđơ̆ng tơpôl; tơdrong pơgơ̆r pơm kiơ̆ sơnong jang hơtŏk mŭk drăm tơ̆ tơring; tơdrong jang vei sơđơ̆ng pơyua lơ̆m tơpôl, tơjur hin dơnuh, hơtŏk tơdrong hơrih kon pơlei păng nơ̆r pơtruh đơ̆ng tơring. Tổng Bí thư pôk bơnê kơ dôm tơdrong hơdrin đơ̆ng anih jang chinh trĭ, anih jang mŭk drăm păng kon pơlei 3 dêh char hlôi jang đei jơnei kăp gĭt, atŭm hăm noh sơkơ̆t hơdah: tơdrong tơguăt đơ̆ng 3 dêh char  Phú Thọ, Vĩnh Phúc păng Hòa Bình jing hơyak kăp gĭt vă pơjing minh dêh char 'nao trŏ ƀlep gah tơring teh, gah bơngai jang, hơtŏ gah tơdrong hơtŏk tơ-iung păng jang hơdai, tơgŭm dih băl lơ̆m lơ tơdrong.

Tổng Bí thư pơgơ̆r dah tenh kuăng mă lei athei keh đang tơdrong pơkăp jơnŭm pơgơ̆r jang kiơ̆ nhen jơnŭm pơgơ̆r tơring 2 tăl, vei sơđơ̆ng bot 'lơ̆ng, tơnăp hơgei păng pơm jang sơđơ̆ng; pơtoi chih tơlĕch tơdrong jang hơtŏk mŭk drăm – tơpôl hơtŭm ăn dêh char 'nao gơh hơgei trŏ hăm pơkăp hơtŏk tơ-iung đunh khei năr.