VOV4.Bahnar - Kơsơ̆ 12/5, Grŭp bơ̆jang kơsô̆ 2 kơ Anih dăr hơlen Khŭl kơdră teh đak hlôi đei jơ bơ̆jang hăm Anih vei lăng kon pơlei dêh char Gia Lai, hơlen lăng, dăr lăng tơdrong hơmet pơ ‘lơ̆ng dôm tơdrong tơkêng pơdui đunh.

VOV4.Bahnar - Kơsơ̆ năr 12/5, Khul jang sâu riêng Dak Lăk păng Hơnih tơm chă tơchĕng hơlen Khoa hŏk Kih thuơ̆t choh jang sa, bri ‘long Tây Nguyên hlôi kĭ pơkăp hla bơar ƀlŏk hơdơ̆r jang hơdoi iung jang chă tơchĕng hơlen, pơtho tơbăt rim kih thuơ̆t jang sâu riêng jăl jang 2025 – 2030.

VOV4.Bahnar - Anih vei lăng kon pơlei dêh char Gia Lai ‘nao tơlĕch hla ar roi tơbăt yơ̆p bri sơnăm 2024, vă hơtŏk tơdrong vei lăng bri păng tưk tơiung bri ‘long tơ̆ dêh char. Kiơ̆ kơ ‘nŏh, akŏm đĭ đăng bri ‘long lơ̆m dêh char Gia Lai đei hlŏh 650.600 ha.

VOV4.Bahnar - Hơnih tơm vei lăng Tơ iung pơjing ming man ‘nao đei nơ̆r chă apĭnh athei Thủ tướng Teh đak trong jang tơmơ̆t jên jang tơ iung pơjing ming man trong gre rĕnh Quảng Ngãi - Kon Tum.

VOV4.Bahnar - Hơnơ̆ng pơgơ̆r Hop akŏm mă 9, Kuô̆k hô̆i jăl XV, năr ou (13/5), Kuô̆k hô̆i pơma dơnuh tơ̆ hnam hop akŏm găh mĭnh ƀar tơdrong oei đei nơ̆r tơgop phara dih băl kơ Tơdrong vă pơjing Khôi luơ̆t Vei lăng păng Tơmơ̆t jên jang teh đak tơ̆ Hơnih mơdro sa.

VOV4.Bahnar - Tơ̆ dêh char Quảng Ngãi, Khŭl chĕp kơ̆l pơgơ̆r Anih jang Đảng dêh char Quảng Ngãi păng Khŭl chĕp kơ̆l pơgơ̆r Anih jang Đảng dêh char Kon Tum pơgơ̆r jơ bơ̆jang ‘măng mă 2 ăn tơgop nơ̆r 1,2 tơdrong ƀơm truh tơdrong tơmơ̆t hơdai 2 tơring, ăn tơgop nơ̆r găh Hla ar chih pơtruh ăn Hop akŏm bơngai tang măt Đảng bộ dêh char Quảng Ngãi (‘nao) jăl jang 2025- 2030.

VOV4.Bahnar - ‘Năr 12/05, tơ̆ apŭng Kiến xương, dêh char Thái Bình, Thủ tướng Phạm Minh Chính vang truh pơm lêh tơlĕch jang ming man trong gre kơdâu hrĕnh Hải Phòng- Ninh Bình trong năm klĕch dêh char Nam Định, Thái Bình.

VOV4.Bahnar - Đơ̆ng blŭng jăl jang 2020-2025 truh dang ei, dêh char Lâm Đồng hlôi tơmơ̆t dơ̆ng kơ hrĕng ‘nu đảng viên bơngai kon kông, hơtŏk đang viên bơngai kon kông lơ̆m Đảng ƀô̆ vă jê̆ 6.000 ‘nu, tơmơ̆t hloh 12% đang viên lơ̆m dêh char. Gơnơm lăng kơjăp chă rơih dôm bơngai ‘lơ̆ng tơnăp vă pơtho pơjing păng pôk tơmơ̆t lơ̆m đảng, rim đang viên jei iung jang ‘lơ̆ng hơnăp jang pơm jŭk yŭk trong hơlou lơ̆m rim tơdrong jang, tơgop kơtang lơ̆m tơdrong atŏk tơ iung ,mŭk drăm-tơpôl, vei kơjăp sơđơ̆ng păng atŏk kơtang tơgoăt tơgoăl hơdrĕch hơdrung kơ tơring.

VOV4. Bahnar - Lăp đơ̆ng rŏng năm truh tơ̆ Belarus, Tổng Bí thư Tô Lâm vang năm păng iung pơma tơ̆ jơ tơƀơ̆p muh măt Khul tơgoăt tơgoăl păng Vang năm joh ayŏ hăm teh đak đe kơ Belarus, Khul tơgoăt tơgoăl Belarus - Việt Nam păng rim khul joăt jang so Belarus đei lơ tơdrong tơgop gĭt kăl hăm Việt Nam.

VOV4.Bahnar - Kiơ̆ Anih tơdrong jang kăt tơjur anih jang, đơ̆ng rŏng kơ tơmât hơdai hăm Phú Yên, dêh char Đắk Lắk ‘nao đei teh xă hlŏh 18.096 km², kơsô̆ kon pơlei loi 3,3 triu ‘nu bơngai. Trong gre teh đak kơsô̆ 29 đơ̆ng Tơring pơtăm chĕh phe tơm jur tơ̆ tơring kơdrâm tơter đak dơsĭ kơ dêh char Đắk Lắk 'nao, kơjung hlŏh 200km, mă lei 'nâu jĭ 1 pôm trong tơƀưh Tây Nguyên hăm tơring găh Pơbăh kơ Tơring Tŏk bŏk mă ưh đei trong krang kuĕl kiơ. 'Nâu jĭ 1 lơ̆m dôm tơdrong 'lơ̆ng vă tơring hơtŏk jơhngâm jang mŭk drăm đơ̆ng choh jang xa, bri 'long, đak dơsĭ păng tơdrong pơm hơmet trong gre 29 đei năng jĭ tơdrong tôch gĭt kăl vă rim tơdrong 'lơ̆ng gơ̆h đei iŏk yoa.