Hop akŏm đei pơgơ̆r vă drơ̆ng mĭnh nơ̆r kơtang găh hlôh vao păng iung jang lơ̆m khul kang ƀô̆, đang viên, lơ̆m rim kơdră chĕp pơgơ̆r Đảng găh dôm trong chĕp pơgơ̆r, tơdrong kăl hloh, dôm trong ‘nao, tơm lơ̆m rim tơdrong trong bơ̆ jang kơ Đảng. Rim bơngai tang măt chă tơchĕng, hŏk pơhrăm, tơlĕch jang kiơ̆ 6 tơdrong tơm đei: Tơdrong tơchơ̆t găh atŏk kơtang tơ iung pơjing, hơmet ming Đảng păng khul jang chinh trĭ rơgoh ‘lơ̆ng, pran kơtang, tôm tong, trŏ lăp hăm pơkoĕl atŏk tơ iung Teh đak lơ̆m chăl ‘nao; Tơdrong tơchơ̆ty găh tơplih ‘nao trong pơrô̆ jang, trong chĕp pơgơ̆r đơ̆ng Đảng hăm khul jang chinh trĭ lơ̆m chăl ‘nao; Tơdrong tơchơ̆t găh akŏm tơ iung pơjing khul kang ƀô̆ rim kâp, mă kăl khul kơdră kơpal đei tôm tơdrong ‘lơ̆ng, gơh hơgei păng đei lui yom kơtang, hơtŏ hăm tơdrong jang. Tơchơ̆t găh Đảng viên vang iung jang lơ̆m bơ̆ jang tơmơ̆t jên jang, mơdro sa; Nơ̆r pơma pơtôch găh Tơdrong jang kăl Teh đak găh hơvơn, tơmơ̆t păng atŏk tơ iung khul gơh hơgei lơ̆m rim hơnih bơ̆ jang kăl pơvih pơvăn ăn teh đak atŏk tơ iung tĕnh koăng, kơjăp ‘lơ̆ng; Hla bơar chih tơbăt bơ̆ jang lăng hơlen tơdrong atŏk tơ iung mŭk drăm-tơpôl, jang kiơ̆ kon jên bơ̆ jang teh đak sơnăm 2026; trong vă pơjing trong pơprŏ atŏk tơ iung mŭk drăm-tơpôl, trong pơprŏ kon jên bơ̆ jang teh đak sơnăm 2027.