Anih hơlen lăng jên hu Teh đak kĭ pơkăp jang hơdai hăm Gia Lai, Khánh Hòa păng Dăk Lăk
Thứ năm, 14:11, 15/10/2026
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV.Bahnar - Tơ̆ phường Quy Nhơn, Anih Hơlen lăng jên hu Teh đak păng Khul kơdră chĕp kơ̆l Đảng dêh char, Kơdră Jơnŭm pơgơ̆r kon pơlei, Anih vei lăng kon pơlei dôm dêh char Gia Lai, Khánh Hòa, Đắk Lắk pơgơ̆r Hop akŏm pơtôch tơdrong jang kiơ̆ tơdrong pơkăp jang hơdai tơdrong jang đơ̆ng 2023–2026 păng kĭ pơkăp trong jang ăn jăl jang đơ̆ng rŏng dơ̆ng.
Tơdrong jang hơdai đơ̆ng Anih Hơlen lăng jên hu teh đak păng dôm dêh char roi 'năr roi yak mơ̆t lơ̆m tơdrong đei yua. Tơdrong jang hơlen lăng jên hu pơyua ăn Jơnŭm pơgơ̆r kon pơlei dăr hơlen, hơlen lăng, drơ̆ng ăn tơlĕch jên păng tơchơ̆t dôm tơdrong găh jên jang, klăih song jên jang.
Truh đĭ khei 9 sơnăm 'nâu, kơsô̆ bơ̆ jang kiơ̆ athei hơlen lăng jên hu lơ̆m tơring Anih Hơlen lăng jên hu teh đak tơring VIII đei hloh 94%. Pơgơ̆r tơ̆ hop akŏm, ƀok Nguyễn Hữu Nghĩa, Kơdră dơnơm chĕp kơ̆l Anih hơlen lăng jên hu tĕh đak athei Anih hơlen lăng jên hu tơring VIII lăng kiơ̆ tơdrong ‘lơ̆ng hơdrô̆ rim tơring, rơih iŏk tơdrong hơlen lăng jên hu tơm, tang găn hơdrom băl păng athei bơ̆jang kiơ̆ nơ̆r apĭnh.
Viết bình luận