Pơtơ̆p linh 'măng mă ou noh kăp gĭt gah khul grŭp păng kơmăi kơmŏk phao kơtuang, hăm tơdrong vang akŏm đơ̆ng hloh 2.600 'nu bơngai păng kơhrĕng tong gre, kơmăi kơmŏk juăt yua đei hloi gre păr vơ vêl, kŏ juăt jang. Tơdrong pơtơ̆p đei 2 jăl: Pơjing hơnih pơgơ̆r hơdoi păng pơjao tơdrong jang, pơgơ̆r jang hơdoi. Jăl 2 'noh pơhrăm tơjră hăm 'mi kial pơrăm, hăm dôm tơdrong: Pơm jang tenh kuăng vă tơgŭm kon pơlei tơ̆ hơnih đak hơbông păng pơjing hơnih hơmet jĭ tơdăng; tơgŭm hơmet hơnih tơpăi tơglơh; hơmet tenh kuăng dôm hơnih hram lĕch pơgang huă chơ̆t hli hlơt...

Tơdrong pơhrăm vă hơtŏk tơdrong pơgơ̆r, păng tơdrong gơh jang hơdoi đơ̆ng khul linh 3 teh đak Việt Nam - Lào - Campuchia lơ̆m tơdrong jang tơgŭm dŏng sar bar cham char plenh teh pơrăm, pơtrŏ hăm tơdrong tơlĕch jang lơ̆m chăl 'nao hrei ou.