VOV4.Bahnar - Kiơ̆ ‘măng hop akŏm, pơgê năr 15/5, Kuô̆k hô̆i pơma dơnuh tơ̆ hnam hop akŏm găh Tơdrong vă pơjing Khôi luơ̆t Ŭnh hơyuh nguyên tư(hơmet ming).

VOV4.Bahnar - Pơgê 14/5, Quốc hội pơma dơnuh tơ̆ hơnih hop akŏm tơm găh Hla ar chih ming đơ̆ng Quốc hội hơmet ming, tơmơ̆t dơ̆ng 1,2 tơdrong đơ̆ng Khôi luơ̆t tơm teh đak sơnăm 2013 (‘măng mă mônh) păng Luơ̆t pơgơ̆r khŭl kơdră tơring (hơmet ming).

VOV4.Bahnar – Mĭnh lơ̆m dôm tơdrong hơiă hlŏh jĭ tơdrong jang kơmăy kơmŏk tŏk pran, kơsô̆ jang tŏk tơ̆ rim anih jang kơmăy lơ̆m khei 4 tŏk hlŏh 12% pơting hăm khei âu sơnăm sơ̆, mă loi jang kơmăy kơmŏk pơm tơlĕch tơmam tŏk vă jê̆ 17%.

VOV4.Bahnar – Kơsơ̆ 13/5, Thủ tướng Phạm Minh Chính pơgơ̆r hop akŏm đe Kơdră chĕp kơ̆l găh chih pơjing tơdrong tơchơ̆t đơ̆ng Khul kơdră teh đak pơjing păng atŏk tơiung anih jang tơbôl truh sơnăm 2030 păng trong vă jang truh 2045.

VOV4.Bahnar – Kơsơ̆ brei (13/5) tơ̆ Anih jang kơ Trung ương Đảng, Tổng Bí thư Tô Lâm pơgơ̆r hop akŏm Ban Bí thư găh tơdrong tơlĕch jang, chă iŏk nơ̆r tơgop đơ̆ng kon pơlei, dôm anih jang vă hơmet ming, chih tơmât dơ̆ng 1,2 tơdrong lơ̆m Khôi luơ̆t tơm sơnăm 2013. 

VOV4.Bahnar – Kơmăng 'năr brei năr 13/5, tơ̆ cham akŏm să Anih jang Chĭnh trĭ - Hanh chĭn gah tu đak krong Cấm, Thủy Nguyên (Hải Phòng), Anih jang Đảng, jơnŭm pơgơ̆r tơring păng kon pơlei pơlei tơm Hải phòng pơgơ̆r lêh tơbăt 70 sơnăm Năr tơblah jơnei pơlei tơm (13/5), sơng hơnăn "Pơlei tơm Nuih mơng" păng pơtơm Lêh akŏm Pơkao Tơsing Brê sơnăm 2025.

VOV4.Bahnar – Năr 13/5, Tổng Bí thư Tô Lâm atŭm hăm Hơkăn ƀok păng Khul kơpal tang măt ăn teh đak bơ̆n hlôi pơtôch 'lơ̆ng rŏ 'măng năm tơmang truh 4 teh đak Kazakhstan, Aderbaizan, Nga păng Belarus.

VOV4.Bahnar - Năr jŏh ayŏ kơ dŏ xoang Lâm Đồng tơ̆ Hà Nội vă pơgơ̆r 3 năr đơ̆ng ‘năr 16 - 18/5 tơ̆ Trong năm jơ̆ng hoh Kơphô̆ Đinh Tiên Hoàng, găh Hồ Gươm.

VOV4.Bahnar - Tơdrong tơgŭm ưh đei iŏk thuê̆, tơjur thuê̆ teh choh jang xa đei bơ̆ jang đơ̆ng sơnăm 2001 truh dang ei, akŏm đĭ đăng jên ưh kơ iŏk, jên tơjur thuê̆ ‘nâu đei vă jê̆ 120 rơbâu ti.

VOV4.Bahnar - Năr 12/5, lơ̆m jơ năr năm ngôi tơ̆ teh đak Cộng hoà Belarus, tơ̆ anih tơm Minsk, Tổng Bí thư Tô Lâm hlôi đei jơ pơma dơnuh hăm Thủ tướng Belarus Aleksandr Turchin.