Anih vei lăng kon pơlei dêh char Đắk Lắk ‘nao đei jơ bơ̆jang hăm Anih jang Nội vụ dêh char. Pơma tơ̆ jơ bơ̆jang, ƀok Đào Mỹ, Phŏ Kơdră Anih vei lăng kon pơlei dêh char Đắk Lắk lăng ‘lơ̆ng tơdrong hơdrin bơ̆jang kiơ̆ hơnăp jang đơ̆ng anih jang Nội vụ lơ̆m khei ‘năr âu ki. Lăng ƀôh, tơdrong jang tơ̆ xăh tôch kơ ‘nao, lơ kang ƀô̆ jang oei tam mă joăt, yua thoi noh anih jang Nội vụ kăl kơ hơlen lăng mă kơjăp pơgơ̆r tơdrong jang đơ̆ng 102 xăh, phường, tơtom roi tơbăt ăn Anih vei lăng kon pơlei dêh char dôm tơdrong pơmat tat, tơhlăk tơhlĭn.

Kiơ̆ tom tơdrong hơlen lăng anih bơ̆jang, hơmet ming khŭl jang; klăih song kơchư̆k jang tơdrong jang; ăn kang ƀô̆ Anih jang tơgŭm tơ̆ xăh vei sơđơ̆ng hơmet pơ ‘lơ̆ng tơ tĕnh ăn kon pơlei. Ƀok Đào Mỹ pơma hơdăh, anih jang Nội vụ kăl kơ lăng truh găh chih răk, hơlen lăng tơdrong pơmat tat vă apĭnh trong jang pơjing tơdrong jang atŭm pơtho dôm anih jang, xăh, phường vă đei trong jang hơmet pơ ‘lơ̆ng.