Tơ̆ Hop akŏm ‘măng mă 4, jăl X, Khŭl Kơdră Anih jang Trung ương Mặt trận tổ quốc Việt Nam ăn tơgop nơ̆r lơ̆m lơ tơdrong gĭt kăl nhen: Hla ar chih trong vă jang tơdrong jang Mặt trận sơnăm 2026; Hla ar chih Tơdrong jang pơgơ̆r Hop akŏm bơngai tang măt Mặt trận tổ quốc Việt Nam truh âu kơnh; Hla ar chih tơroi tơbăt pơtôch 10 sơnăm bơ̆jang kiơ̆ Tơdrong jang kơsô̆ 01, ‘năr 5/5/2015 găh tơplih ‘nao tơdrong jang roi tơbăt đơ̆ng Mặt trận tổ quốc Việt Nam; Hla ar roi tơbăt pơtôch bơ̆jang kiơ̆ Tơdrong tơchơ̆t kơsô̆ 18 găh bơ̆jang kiơ̆ proh hơmet, tơmơ̆t hơdai dôm anih jang chĭnh trĭ - tơpôl, dôm khŭl tơpôl đei Đảng, teh đak pơjao hơnăp jang găh Mặt trận tổ quốc Việt Nam.

Phŏ Kơdră Anih jang Trung ương  Mặt trận tổ quốc Việt Nam Nguyễn Thị Thu Hà roi tơbăt pơm lăp hăm ‘meh vă hơnăp jang lơ̆m tơdrong ‘nao, đơ̆ng dang ei truh đĭ sơnăm 2025 păng lơ̆m sơnăm 2026, tơdrong jang Mặt trận hơnơ̆ng tơlĕch jang dăr hơlen, proh hơmet dơ̆ng khŭl jang tơm tơ̆ lơ̆m găh Mặt trận tổ quốc, dôm khŭl jang chĭnh trĭ - tơpôl, dôm khŭl tơpôl rim tơring yua đơ̆ng Đảng, teh đak pơjao hơnăp jang.