Thủ tướng Lê Minh Hưng kŭm hăm lơ kơdră chĕp kơ̆l, kơdră so chĕp kơ̆l Đảng, teh đak truh akŏm lêh. Đơ̆ng rŏng kơ Lêh hơpong, pơdong ƀŭ, Thủ tướng Lê Minh Hưng, dôm kơdră chĕp kơ̆l, kơdră so chĕp kơ̆l Đảng, teh đak pơgơ̆r 'lơ̆ng ba kơting 731 linh lôch tang ăn teh đak vih tơ̆ anih ƀŭ 'lơ̆ng tơ̆ Pơsat Linh lôch tang ăn teh đak pơlei tơm Hồ Chí Minh, phường Long Bình.

Đơ̆ng Cham ngôi pơhiơ̆ Lê Thị Riêng truh tơ̆ Pơsat Linh lôch tang ăn teh đak pơlei tơm HCM, 731 linh lôch tang ăn teh đak hlôi vih lơ̆m tơpang ti kon pơlei pơlei tơm. Đe 'nhŏng, đe mŏ dang ei ƀŭ hơdai hăm bôl boăl. Tơdrong tơchă băt hơnăn, pơlei pơla, tơchă băt kơtum kơtŏng 'nhŏng oh đe linh lôch tang ăn teh đak tŏk bŏk oei đei hơnơ̆ng hăm tơdrong vei răk kơmẫu ADN, dăr hơlen lăng hơnih păng vang tơgŭm hăm dôm unh hnam oei gô chang.