VOV4.Bahnar – Ƀok Rah Lan Chung, Phŏ Ƀĭ thư Hơnih jang Tĭnh uy đei pôk jang Kơdră Hô̆i đŏng kon pơlei dêh char Gia Lai ('nao) jăl jang 2021–2026.

VOV4.Bahnar – Pơgê năr 1/7, Tĭnh uy, Hô̆i đŏng kon pơlei, Hơnih jang vei lăng kon pơlei, Hơnih jang Măt trâ̆n tôh kuôk Việt Nam dêh char Hưng Yên kăp gĭt pơm lêh tơbăt 110 sơnăm năr rơneh ƀok Tổng Bí thư Nguyễn Văn Linh (1/7/1915-1/7/2025) – minh bơngai cộng sản nuih mơng, minh 'nu kơdră gơh hơgei, minh um ai ang hơdah gah đon bơnôh kăch mang păng kăp gĭt noh jĭ bơngai pơtơm păng pơgơ̆r tơdrong jang tơplih 'nao kơ teh đak.

VOV4. Bahnar - Ƀlep lơ̆m jơ ‘năr lơ̆m teh đak tơbăt hơdăh tơdrong tơchơ̆t păng iung bơ̆ jang khul kơdră chĕp pơgơ̆r tơring 2 kâp, Tổng Bí thư Tô Lâm đei ƀai chih pơma hơdăh “Jơhngơ̆m pran kơ Tơgoăt tơgoăl pôm nơ̆r ƀơ̆r đon”. Tổng Bí thư pơma hơdăh: lơ̆m jăl hrei ou, jơhngơ̆m pran kơ tơgoăt tơgoăl pôm nơ̆r ƀơ̆r đon gô tơgum bơ̆n kĕ yak hloh dôm tơdrong găn ga, tơhlăk tơhlĭn, pơjing tơdrong long đei jing tơdrong rơvơn, ba teh đak yak pran năm mơ̆t lơ̆m chăl hle, kơ yuơ tơdrong hơrih sa phĭ tơtŏ dơnŏ ‘lơ̆ng dơ̆ng dơjăp, hơnŭk hơnoa kơ kon pơlei pơla. Nhôn apĭnh chih iŏk tơƀôh tơbăt găh ƀai chih ou.

VOV4.Bahnar - Tơ̆ Dak Nông, kon pơlei hơmŏ kơtang đơ̆ng rŏng hơgrop gô pơjing đei hơyak pran kơtang hloh ăn tơring atŏk tơ iung mŭk drăm-tơpôl, mă kăl ‘noh tơmang pơhiơ̆ mưh tơgĕch dôm tơdrong rơvơn kơ tơring hlôi đei rơvơn kơtang kơ tơmang pơhiơ̆.

VOV.Bahnar - Năr 30/6, Kơdră chĕp pơgơ̆r Kuô̆k hô̆i Trần Thanh Mẫn hlôi năm dăr lăng hloi tơdrong bơ̆ jang vei lăng, iŏk yoa, hơmet pơ ‘lơ̆ng mŭk drăm, groi teh, hơnih bơ̆ jang, hnam oei bơ̆ jang đơ̆ng rŏng proh hơmet hơnih bơ̆ jang tơ̆ Pơlei tơm Cần Thơ.

VOV4.Bahnar - Pơgê năr 30/6, tơ̆ Cham să 10/3, pơlei tơm Buôn Ma Thuột, dêh char Dak Lăk hlôi pơgơ̆r Pơm lêh tơbăt hơdăh Tơdrong tơchơ̆t kăl đơ̆ng Trung ương, trong jang hơgrop ƀar dêh char Dak Lăk hăm Phú Yên, jing dêh char Dak Lăk ‘nao, adoi tơbăt hơdăh pơjing hơnih jang đảng, khul kơdră chĕp pơgơ̆r, Hơnih Mặt trận păng tơpôl rim kâp.

VOV4.Bahnar - Tổng Bí thư Tô Lâm hlôi pôk ăn hla bơar tơchơ̆t đơ̆ng Hơnih tơm Chinh trĭ pôk hơtŏk ƀok Nguyễn Văn Nên - kơdră jang lơ̆m Hơnih tơm Chinh trĭ, Ƀĭ thư Đảng Pơlei tơm HCM - iŏk jang Ƀĭ thư Đảng pơlei tơm HCM đơ̆ng rŏng hơgrop.

VOV4.Bahnar - Tơdrong tơmơ̆t hơdai Gia Lai păng Bình Định hăm hơnăn krao dêh char Gia Lai ưh khan lăp pơm đei 1 hơnih mŭk drăm păng chĭnh trĭ ‘nao mă oei pơih đei tơdrong hiôk vă dêh char Gia Lai hơtŏk tơiung tôm tơdrong.

VOV4.Bahnar - Kơsơ̆ 30/6, Thủ tướng Phạm Minh Chính pơgơ̆r tơdrong jang kăl roi tơbăt hơdăh dôm tơdrong tơchơ̆t đơ̆ng Thủ tướng teh đak găh pôk hơtŏk kang ƀô̆.

VOV4.Bahnar - Đơ̆ng năr ‘nâu (1/7/2025), 34 dêh char, pơlei tơm lơ̆m teh đak pơtơm bơ̆jang khŭl kơdră chĕp kơ̆l tơring 2 tăl, ‘noh tơ̆ dêh char păng xăh, đơ̆ng rŏng khei ‘năr bơ̆jang pơlong lăng. ‘Nâu  gô jing tơƀôh jơhnơr hơrih gĭt kăl lơ̆m tơdrong jang hơmet ming hanh chĭnh.