Pơma dơnuh hăm rim kang ƀô̆, bơngai jang tơ̆ Hơnih tơm bơ̆ jang teh đak, Kơdră chĕp pơgơ̆r Kuô̆k hô̆i pơma hơdăh, trong bơ̆ jang đơ̆ng Trung ương mưh proh hơmet rim hơnih bơ̆ jang kơ dêh char, tơring, jang kiơ̆ khul kơdră chĕp pơgơ̆r tơring 2 kâp ‘noh ‘meh vă tơjê̆ kon pơlei, tơklep hăm kon pơlei, xek tơlang pơm hla bơar ăn kon pơlei tĕnh koăng hloh, kiơ̆ đơ̆ng noh, kon pơlei lăp đon, lui kiơ̆ Đảng, Teh đak tơpă vei lăng năng tông kon pơlei tơnăp. Bơ̆ jang hăm Khul kơdră chĕp pơgơ̆r Pơlei tơm Cần Thơ lăp đơ̆ng rŏng năm dăr lăng bơ̆ jang, Kơdră chĕp pơgơ̆r Kuô̆k hô̆i Trần Thanh Mẫn pơchoh trong găh hơmet ăn iŏk yoa mŭk drăm teh đak, pơlei tơm gơ̆h iŏk yoa mĭnh hơnih bơ̆ jang pơm hơnih bơ̆ jang ăn lơ hơnih jang, khul jang vang iung jang, adoi, mĭnh hơnih bơ̆ jang gơ̆h ăn bơ̆ jang hơnơ̆ng tơ̆ lơ hơnih jang lơ̆m khei ‘năr blŭng proh hơmet hơnih jang vă sơđơ̆ng ăn bơ̆ jang vei lăng teh đak tơ̆ rim tơring hơgrop păng pơm dă ƀiơ̆ tơnap tap tơdrong chă yơ yak oei sa kơ kang ƀô̆ păng bơngai jang; ‘nĕ kơ lê̆ đei ƀơm ưh kơ ‘lơ̆ng, kơtĕch toch broch bơ̆ jang tơgŭm ăn kon pơlei.