‘Năr brei, 30/6, lơ̆m teh đak pơgơ̆r Lêh roi tơbăt hơdăh dôm tơdrong tơchơ̆t, hơgăt đơ̆ng Trung ương păng tơring găh proh hơmet anih bơ̆jang tơ̆ dêh char, tơ̆ xăh, pơjing khŭl jang đảng, athei kơdră anih jang đảng, Jơnŭm pơgơ̆r kon pơlei, Anih vei lăng kon pơlei, Mặt trận Tổ quốc dêh char, pơlei tơm, xăh, phường, tơring kơdrơ̆m gĭt kăl, vă kơ năr ‘nâu, ‘năr 1/7 bơ̆jang tơpă tơdrong jang pơgơ̆r khŭl kơdră chĕp kơ̆l tơring 2 tăl.

Kơtă năm hơlen lăng yan âu tơdrong jang khŭl kơdră chĕp kơ̆l tơring 2 tăl tơ̆ pơlei tơm Hồ Chí Minh, Tổng Bí thư Tô Lâm  pơma hơdăh, tơdrong tơm tih hloh đơ̆ng khŭl bơ̆jang ‘nao ‘noh jĭ  yua kơ tơdrong hơtŏk tơiung hrĕnh, kơjăp kơ teh đak kơ pơlei tơm păng vei lăng ‘lơ̆ng hloh ăn tơdrong hơrih sa kơ kon pơlei. Pơjing khŭl kơdră chĕp kơ̆l tŏ sĕt bơngai, đei yua, hơgei, tơplih đơ̆ng trong jang vei lăng pơ ‘mơ̆ng jing vei lăng gơh hơgei pơvih pơvăn ăn kon pơlei, khŭl kơdră chĕp kơ̆l yua kơ kon pơlei, pơyua ăn kon pơlei pơm pơjing ăn tơdrong hơtŏk tơiung păng kĕ bơ̆jang vă gơh tơlĕch jang đei yua dôm trong jang đơ̆ng Đảng lơ̆m yan âu tơdrong hơrih sa yua kơ tơdrong hơtŏk tơiung atŭm kơ teh đak.