VOV4.Bahnar - Tổng Bí thư sơkơ̆t hơdăh, khul hŏk jrŭ ‘noh khul tang măt ăn jơhngơ̆m đon gơ̆h hơgei kơ kon pơlei păng hơdrĕch hơdrung, jĭ mĭnh lơ̆m khul gĭt kăl hloh hơnhăk đei hơyak pran păng tơdrong pơdrŏng hơnŭk hơnoa ăn Teh đak. 

VOV4.Bahnar - Dôm sơnăm tơjê̆ ou, bơ̆ jang atŏk tơ iung Đảng lơ̆m Khul Mơdro sa kon pơlei tơ̆ Dak Lăk hlôi đei tơplih hơdăh. Mĭnh sơnăm rim hơnih Đảng Khul mơdro sa jei tơmơ̆t ‘nao bơngai mơ̆t lơ̆m khul Đảng lơ hloh trong pơjao ăn. Jơnei ou tơgop lơ̆m tơ iung pơjing hơnih mơdro sa rim năr roi sơđơ̆ng, adoi sơkơ̆t hơdăh trong jang ‘lơ̆ng lơ̆m bơ̆ jang Đảng lơ̆m rim hơnih mơdro sa tơm kon pơlei.

VOV4.Bahnar - Tổng Bí thư Tô Lâm tơƀôh jơhngâm đon ‘mêm bơnê tôch ai păng lui yom tôch pơnĕh hăm Ƀok Hô, kơdră chĕp kơ̆l tôch gơ̆h hơgei kơ Đảng păng kon pơlei bơ̆n, bơngai tơblăh iŏk rơngei ăn hơdrĕch hơdrung.

VOV4.Bahnar - Dang ei, dôm anih jang pơm trong, oei akŏm bơngai jang, gre kơmăy kơmŏk vă sir kôch, man trong trôm Phượng Hoàng tơ̆ trong gre kơdâu hrĕnh Khánh Hoà – Buôn Ma Thuột.

VOV4.Bahnar - Kơsơ̆ brei (27/12), Kơdră vei lăng kon pơlei dêh char Đắk Nông pơgơ̆r hop akŏm pơma nuh hăm kon pơlei jang chŭn mir sơnăm 2024, hăm tơdrong vang akŏm đơ̆ng 200 ‘nu bơngai jang chŭn mir, HTX, grŭp jang hơdoi dơ̆ng tang ăn hlŏh 63.000 ‘nu kon pơlei jang chŭn mir lơ̆m dêh char.

VOV4.Bahnar - Anih vei lăng pơm tơlĕch tơmam ‘lơ̆ng păng atŏk tơiung anih tĕch mơdro găh Anih tơm vei lăng choh jang xa păng atŏk tơiung tơring tơrang ‘nao đei hla ar chih gơih ăn Anih vei lăng choh jang xa dêh char Đắk Lắk roi tơbăt mă hơdăh dôm tơdrong đei ƀơm truh.

VOV4.Bahnar - Kơdră Quốc hội Trần Thanh Mẫn bơ̆ jang Khul kơdră chĕp kơ̆l Đảng dêh char Hà Tĩnh găh tơdrong jang kiơ̆ Tơdrong tơchơ̆t đơ̆ng Hop akŏm Đảng lơ̆m teh đak ‘măng mă XIII, Tơdrong tơchơ̆t đơ̆ng Hop akŏm Đảng ƀô̆ dêh char ‘măng mă XIX, jăl jang 2020 – 2025.

VOV4.Bahnar – Kơchĕng jơnŭm pơgơ̆r jang kơ Jơnŭm pơgơ̆r teh đak gô đei akŏm đơ̆ng 30 oei pă 21 anih jang tơm: 13 anih jang tơm, 4 anih jang pơkal kiơ̆ dơnơm păng anih jang lơ̆m Jơnŭm pơgơ̆r teh đak.

VOV4.Bahnar – Sơ̆ jing 2 xah hin dơnuh hloh kơ dêh char Kon Tum, xah Mường Hoong păng xah Ngọk Linh, apŭng Đak Glei, dêh char Kon Tum, hlôi hơtŏk tơ-iung pran kơtang. Kơsô̆ unh hnam hin dơnuh tơjur hloh 10% rim sơnăm, hloh 10 ‘măng tơjur unh hnam hin dơnuh kơ jơ̆p teh đak.

VOV4.Bahnar - Kơ iĕng Thủ tướng Trần Hồng Hà ‘nao pơm tơm hop akŏm Hơnih chĕp pơgơ̆r tơ iung pơjing, jang kiơ̆ Tơdrong vă jang tơmơ̆t jên jang pơm trong gre treng rĕnh Tu-Pơbăh păng rim trong gre treng tơm teh đak.