VOV4.Bahnar - Pơgê năr 27/2, Thủ tướng Phạm Minh Chính pơm tơm Hop akŏm Khul kơdră chĕp pơgơ̆r Teh đak bơ̆ jang hăm Hơnih mơdro sa Teh đak hăm hơnăn “Tơdrong jang,trong jang tơgop pơm hơtŏk tŏk ƀar kơsô̆ păng atŏk tơ iung teh đak tĕnh koăng păng kơjăp ‘lơ̆ng”.

VOV4.Bahnar - Kơsơ̆ brei 27/2, Thủ tướng Phạm Minh Chính pơgơ̆r Hop akŏm hăm dôm anih tĕch mơdro iĕ, hăm hơnăn “Teh đak pơih trong, Anih tĕch mơdro iĕ păng păh lăp Việt Nam jang tŏk pran lơ̆m chăl ‘nao”.

VOV4.Bahnar – Pơma tơ̆ Hnam pơgang Hữu nghị til pơgê 27/2, ƀlep ƀât tơbăt 70 sơnăm năr Ƀok thây pơgang Việt Nam 27/2, Kơdră Quốc hội Trần Thanh Mẫn hơpơi ‘mĕh, đe y, ƀak si athei gơ̆h hơgei, đei jơhngâm đon ‘lơ̆ng, băt hơdăh tơdrong jĭ jăn, pơmat tat đơ̆ng bơngai jĭ nhen thoi tơdrong jĭ đơ̆ng kơtum kơtŏng ‘nhŏng oh kơdih.

VOV4.Bahnar – Pơgê 27/2, Thủ tướng Phạm Minh Chính kŭm hăm Thủ tướng New Zealand Christopher Luxon năm ngôi tơ̆ Văn Miếu - Quốc Tử Giám.

VOV4.Bahnar - Sơnăm ‘nâu mât lơ̆m sơnăm mă 46, Cử nhân điều dưỡng Y Hà, Kơdră vei lăng Hnam pơgang xăh Tu Mơ Rông, apŭng Tu Mơ Rông đĭ đei 26 sơnăm bơ̆ jang vei lăng jơhngâm pran kon pơlei tơ̆ 1 lơ̆m dôm tơring pơmat tat dêh hlŏh kơ dêh char Kon Tum. Jĭ bơngai Xơ Đăng, mŏ Y Hà ưh lăp yak hlŏh dôm tơdrong pơmat tat vă druh kiơ̆ tơdrong hŏk pơhrăm đĕch mă oei jing anih gơnang yoa tôch sơđơ̆ng tơgŭm ăn kon pơlei tơ̆ tơring groi kông Tu Mơ Rông truh hăm tơdrong khăm hơmet jĭ ‘lơ̆ng ƀiơ̆.

VOV4.Bahnar – Kơsơ̆ năr 27/2, Anih jang vei lăng kon pơlei dêh char Đăk Lăk pơgơ̆r hop akŏm vă tơmơ̆ng tơroi gah tơdrong ming man jăl 3 kơ Tơdrong ming man jăl trong tih Khánh Hòa – Buôn Ma Thuột.

VOV4.Bahnar – Năr 27/2, Ƀok Tổng Bí thư Tô Lâm pơgơ̆r tơdrong hop akŏm Anih juăt jang hơmet ăn Hop akŏm mă 14 kơ Đảng .

VOV4.Bahnar – Pơgê năr 26/2, tơ̆ pơlei tơm Pleiku, dêh char Gia Lai, Kuân đoan 34 jang atŭm hăm Ƀăo Kuân đô̆i Nhân dân pơgơ̆r pơma đam hơnăn “Jơnei Tây Nguyên – Pơih blŭng ăn jơnei tih”.

VOV4.Bahnar – Kơsơ̆ năr 26/02, tơ̆ Anih jang Trung ương Đảng, Ƀok Tổng Bí thư Tô Lâm hlôi sơng Thủ tướng New Zealand Christopher Luxon – Kơdră Đảng teh đak New Zealand, ƀơ̆t Ƀok Thủ tướng năm tơmang teh đak Việt Nam păng năm Hop akŏm Khei năr hơnô̆ hơnăp kơnh kơ ASEAN 'măng mă 2.

VOV4.Bahnar – Kơmăng 'năr brei (26/2), tơ̆ Anih akŏm hŏk hôp apŭng plenh teh, tơ̆ pơlei tơm Hà Nội hlôi pơgơ̆r Lêh tơbăt 70 sơnăm Năr Thâi pơgang Việt Nam (27/2/1955 – 27/2/2025) hăm hơnăn: “Ƀai hơri hơ-'nguơ̆u kơ linh ao kok”.