VOV4.Bahnar - Pơgê 15/4, tơ̆ plt Phan Rang - Tháp Chàm, Anih vei lăng kon pơlei dêh char Ninh Thuận pơm lêh tih tơbăt 50 sơnăm Năr tơblăh iŏk rơngei.

VOV4.Bahnar - Anih vei lăng kon pơlei dêh char Đắk Lắk hlôi pơjing trong jang vă hơmet anih oei păng hnam trưng ăn kăn ƀô̆, bơngai jang kơ teh đak păng kon hơ ‘lơ̆p đe sư đơ̆ng dêh char Phú Yên truh bơ̆ jang tơ̆ dêh char đơ̆ng rŏng kơ tơmât hơdai 2 dêh char.

VOV4.Bahnar - Sơng iŏk nơ̆r hơvơn đơ̆ng Thủ tướng teh đak Cộng hòa xã hội chủ nghĩa Việt Nam Phạm Minh Chính, Thủ tướng teh đak Cộng hòa Dân chủ Liên bang Ethiopia, ƀok Abiy Ahmed Ali năm tơmang teh đak Việt Nam păng năm Hop akŏm kăp gĭt Jang hadoi kơyuơ Hơtŏk tơ-iung jơk păng Tơchơ̆t kơpal teh (P4G) 'măng mă 4 đơ̆ng năr 14 truh năr 17/4.

VOV4.Bahnar - Tơ̆ dêh char Đắk Nông, hrei ‘nâu đak tơ̆ dôm dơnâu, đak krong hrŏ hrĕnh mưh tơdrong kăl đei đak tơruih ăn ‘long pơtăm roi tŏk. Kon pơlei jang chŭn mir tơ̆ dôm tơring lơ̆m dêh char oei tôch pơmat, chă trong tơjră hăm tŏ phang pơđang ƀât tŏk bŏk pơyan phang.

VOV4.Bahnar – Pơgê năr 15/4, Thủ tướng teh đak bơ̆n Phạm Minh Chính pơgơ̆r Hop akŏm hăm dôm anih jang mŭk drăm teh đak yuk hơlou lơ̆m tơdrong tơplih kơsô̆ păng hơtŏk tơ-iung.

VOV4.Bahnar – Pơgê năr 15/4, Anih jang vei lăng kon pơlei dêh char Gia Lai pơm Lêh tơbăt 60 sơnăm Năr juăt jue Ƀô̆ đô̆i Kơđông vei sơlam teh dêh char păng sơng Mê đai Vei lăng teh đak tăl Ƀar.

VOV4. Bahnar - Lơ̆m bơ̆ jang vei lăng kang ƀô̆, hơlen hơdăh kang ƀô̆ ‘noh mĭnh tơdrong jang kăl vă rơih đei khul kang ƀô̆ hơgei, oei sa ‘lơ̆ng, jang tơnăp. Mă lei, tơpă yan ou tơ̆ lơ hơnih bơ̆ jang, tơring đei ƀôh, hơlen hơdăh ou oei tim mă tơpăt, tim mă hơdăh găh tơdrong tơgop đơ̆ng rim bơngai kang ƀô̆. Vă hơmet pơ ‘lơ̆ng tơdrong ou, Hơnih bơ̆ jang Đảng dêh char Dak Lăk hlôi đei tơplih ‘nao gĭt kăl, ‘noh jang kiơ̆ mĭnh tơdrong pơkăp hơdăh găh dôm tơdrong jang lơ̆m khei. Tơdrong đei pơkăp hơdăh, hơlen hơdăh kiơ̆ tơdrong jang, hlôi pơjing tơdrong kăl vă kang ƀô̆ hơdrin iung jang tơnăp.

VOV4.Bahnar - Năr 14/4, kơdră chĕp pơgơ̆r Hơnih vei lăng kon pơlei dêh char Lâm Đồng tơbăt hlôi đei hla bơar pơtruh ăn rim hơnih bơ̆ jang đei ƀơm truh kơ ƀar dêh char Dak Nông păng Bình Thuận tơ iung pơjing trong vă jang hơgrop jing minh kơ 3 dêh char.

VOV4.Bahnar - Kơdră chĕp pơgơ̆r Kuô̆k hô̆i Trần Thanh Mẫn pơma hơdăh, tơdrong hơmet ming Khôi luơ̆t tơm Teh đak ‘noh tơdrong jang tôch gĭt kăl hăm tơdrong jang lơ, tih tên, đei ƀơm truh hơnăp jang kơ lơ hơnih bơ̆ jang, tơklep hăm trong tơlĕch jang pơm kơ toei, hơmet ming khul bơ̆ jang kơ khul chinh trĭ, kiơ̆ Nơ̆r pơma pơtôch kơsô̆ 126, 127 đơ̆ng Hơnih tơm Chinh trĭ păng Hơnih chĕp pơgơ̆r Trung ương.

VOV4.Bahnar - Tổng Bí thư Tô Lâm pơm tơm hop akŏm mă 3 Khul kơdră chĕp pơgơ̆r Trung ương hop akŏm pơtôch jang kiơ̆ Tơdrong tơchơ̆t 18.