Khul tơdrong mă blŭng ‘noh lơ̆m tơdrong jang pơtho pơhrăm hăm akŏm lơ̆m trong jang păng trong atŏk tơ iung, pơm hơtŏk ‘lơ̆ng pơtho pơhrăm đăi hŏk tơklep hăm tơdrong ‘meh vă pơtho pơjing khul jang hơgei, trŏ lăp hăm tơdrong ‘meh vă atŏk tơ iung mŭk drăm-tơpôl; Tơdrong jang kiơ̆ tơchơ̆t kơ Khôi luơ̆t găh pơtho ming, hŏk ming. Atŭm hăm ‘noh bơ̆ jang vei lăng sơđơ̆ng tơdrong pơtho pơhrăm sơđơ̆ng ‘lơ̆ng hơ iă; tang găn tơdrong hil hơreh teh dong lơ̆m hnam trương; sơđơ̆ng rơgoh tơmam drăm sa lơ̆m hnam trương. Tơdrong mă ƀar găh bơ̆ jang jên hu, pơđĭ trong jang găh bơ̆ jang jên hu ăn atŏk tơ iung mŭk drăm-tơpôl, sơđơ̆ng trong tơlĕch jang tŏk mŭk drăm. ‘Ngoăih kơ ‘noh trong jang pơm hơtŏk jơnei kơ hơnih mơdro sa kơ teh đak; trong jang tơgŭm djru, pơtrŭt atŏk tơ iung mŭk drăm ŭnh hnam; trong jang pơtrŭt kơtang hơvơn teh đak đe tơmơ̆t jên jang kơtă (FDI); Trong bơ̆ jang pơtrŭt kơtang, pơtrŭt tơmơ̆t jên jang, atŏk tơ iung rim hơnih jang kmăi kmŏk pơm tơlĕch tơmam drăm, hơnih jang mŭk drăm.