VOV4.Bahnar – Tơbăt 50 sơnăm Năr tơblăh iŏk rơngei đĭ đăng tơring Pơbăh, pơjing đei mĭnh teh đak kơjăp ‘lơ̆ng, Tổng Bí thư Tô Lâm đei ƀai chih tôch gĭt kăl hăm hơnăn “Teh đak Việt Nam jĭ mĭnh, hơdrĕch hơdrung Việt Nam jĭ mĭnh”. Đơ̆ng rŏng âu nhôn apinh tơroi tơƀôh ƀai chih ‘nâu.

VOV4.Bahnar - Vă jê̆ pơđăm jĭt sơnăm hlôi yak hloh jô̆ đơ̆ng năr rơngei tơring pơbăh, Teh đak rơngei keh kong. Hăm dôm ƀô̆ đô̆i so hlôi vang iung tơblăh ‘măng iung tơblăh Hồ Chí Minh gĭt kăl, ƀlŏk hơdơ̆r găh dôm ‘măng tơblăh kơtang tơ̆ kơđông Đồng Dù, Củ Chi dăh mă Dinh Độc Lập oei ƀôh nhen dang ei lơ̆m jơhngơ̆m đon.

VOV4.Bahnar - Tơbăt hơdăh tơdrong tơchơ̆t pôk ƀok Y Thanh Hà Niê K'đăm vang mơ̆t jang lơ̆m Khul kơdră chĕp pơgơ̆r păng iŏk jang Bí thư Đảng dêh char Lâm Đồng jăl jang 2020-2025.

VOV4.Bahnar - Pơgê năr 28/4, tơ̆ tơring Triệu Thành, apŭng Triệu Phong (Quảng Trị), Kơdră chĕp pơgơ̆r Kuô̆k hô̆i Trần Thanh Mẫn hlôi vang năm pơm lêh et hơtŏk hơnih jang ming hơmet hơnih gru gra gĭt kăl dăr sơnăm Hơnih Ƀlŏk hơdơ̆r Tổng Bí thư Lê Duẩn.

VOV4. Bahnar - Ƀlep tơbăt 50 sơnăm Rơngei tơring Pơbăh, Teh đak rơngei keh kong, pơgê năr 28/4, Kơdră teh đak Lương Cường soh hlôt nhang tơbăt ăn Kơdră chĕp pơgơ̆r Teh đak Hồ Chí Minh tơ̆ Hnam kơsô̆ 67 lơ̆m Pơgar să Hơnih hơnơm Kơdră chĕp pơgơ̆r Teh đak.

VOV4.Bahnar -  Pơgê 28/4, tơ̆ xăh Đắk Ru, apŭng Đắk R’lấp, dêh char Đắk Nông, Anih vei lăng kon pơlei dêh char pơm lêh tơlĕch tơdrong jang 2 găh jăl trong gre kơdâu hrĕnh Gia Nghĩa - Chơn Thành, ƀlep ƀât tơbăt 50 sơnăm Tơblăh iŏk rơngei tơring Pơbăh.

VOV4.Bahnar -  Pơgê 28/4, tơ̆ Anih jang kơ ƀok Kơdră teh đak, Thủ tướng Phạm Minh Chính pơgơ̆r sơng păng pơma đam hăm Thủ tướng Nhật Bản Ishiba Shigeru oei năm hơpong tơ̆ Việt Nam.

VOV4.Bahnar - Đunh kơ âu 50 sơnăm, ƀât mă dôm khul linh tơm tơblăh iŏk rơngei Sài Gòn ‘nŏh 1 păh khul linh nai đơ̆ng Khul linh bơ̆n yak klĕch đak dơsĭ, tơblăh iŏk rơngei achon Trường Sa. Tơdăh tơblăh Hồ Chí Minh iŏk đei jơnei tơ̆ kông ‘nŏh tơdrong tơblăh iok rơngei Trường Sa vang tơgop hơmet pơ ‘lơ̆ng um rup teh đak – đơ̆ng kông truh tơ̆ đak dơsĭ. 50 sơnăm đơ̆ng rŏng kơ tơblăh rơngei, anih jang, trong nơnăm, tơpôl tơ̆ achon kông Trường Sa, dêh char Khánh Hòa đei tơmât jên jang hrơ̆ch ‘lơ̆ng, dar dĕh tŏk jing anih kơdrâm ‘lơ̆ng găh jŏh ayŏ kơ dŏ xoang, jang mŭk drăm tơ̆ đak dơsĭ kơteh đak.

VOV4.Bahnar - Pơđĭ 218 xăh, phường, thị trấn lơ̆m dêh char Gia Lai hlôi pơgơ̆r iŏk nơ̆r tơgop đơ̆ng bơngai tăh hla hăm Tơdrong jang proh hơmet dôm anih bơ̆jang tơ̆ xăh. Kiơ̆ kơ ‘noh, dêh char Gia Lai gô tơmơ̆t hơdai oei pă 77 xăh. ‘Nâu jĭ hơyak năm gĭt kăl lơ̆m tơdrong jang kiơ̆ trong jang tih đơ̆ng Trung ương găh pơgơ̆r, proh hơmet dơ̆ng khŭl bơ̆jang teh đak kiơ̆ tŏ sĕt bơngai, gơh hơgei, đei yua tơ̆ tơring.

VOV4.Bahnar - Gơmăng hei 27/4, tơdrong pơdăh um rup, jơh hơri hơxoang “Păr ang linh lang ƀai hơri Brŏk đơ̆ng tơblăh jơnei” tơbăt 50 sơnăm Tơblăh rơngei tơring Pơbăh, pơjing đei 1 teh đak kơjăp ‘lơ̆ng đei pơgơ̆r tơ̆ 3 anih pơih pơdăh: Hà Nội, Quảng Trị păng plt Hồ Chí Minh.