Lơ̆m ou, 10 tơring, phương jang pơlong năng 2 tơdrong jang pơm hla bơar găh groi teh ‘noh chĕng hơdrar groi teh păng pơm hla bơar pơm tơ-‘ngla teh. Jơ jang pơlong năng hlôi jơnei păng hơmŏ lơ̆m khei năr kơnh gô hơnhăk đei tơdrong rơvơn, tơgŭm ăn kon pơlei dă ƀiơ̆ tơhiong lơ jơ ‘năr, kon jên hu chă yơ yak. Hơnih jang ăn Hơnih bơ̆ jang vei lăng kon pơlei ƀar dêh char Bình Định păng Gia Lai hlôi iung jang hơdoi kơjăp vă pơjing trong bơ̆ jang chĕp pơgơ̆r, pơrô̆ iung jang pơtho pơhrăm ming ăn kang ƀô̆ rim tơring, phương păng dăr lăng dơ̆ng hnam hơnih jang, sơđơ̆ng ăn kmăi kmŏk, chư kĭ kơsô̆ tơgŭm ăn bơ̆ jang pơm hla bơar. Đĭ đăng trong jang đơ̆ng sơng iŏk hô sơ, pơm hla bơar lơ̆m kmăi kmŏk, kla kon jên bơ̆ jang trư̆k tuyên, pơtruh pơm đang kiơ̆ kmăi kmŏk, dĭng truh pơtruh ăn pơm đang kiơ̆ điên tư đei bơ̆ jang ƀônh hlôh vao, bơ̆ jang keh đang tĕnh koăng.