‘Măng hop akŏm pơgơ̆r 2 năr, 24 păng 25/6 hăm dôm tơdrong gĭt kăl nhen: hơlen năng tơdrong jang atŏk tơiung mŭk drăm – tơpôl 6 khei blŭng sơnăm; pơma nuh păng tơchơ̆t dôm hla ar chih kăl, tơdrong tơchơ̆t hơmet ming trong tơmât jên jang kơ teh đak đunh păh lăp đơ̆ng 2021-2025, tơdrong tơgŭm ăn hŏk tro, sinh viên xăh Nhơn Châu oei hŏk tơdrong jang lơ̆m dêh char kŭm hăm lơ tơdrong gĭt kăl nai hai.

Iŏk đơ̆ng ‘năr 1/7, 2 dêh char Bình Định păng Gia Lai vă tơmât hơdai jing dêh char Gia Lai ‘nao, hăm đĭ đăng 135 xăh, phường. Tơdrong tơmât hơdai ưh lăp pơih đei anih ‘lơ̆ng vă jang tŏk pran hlŏh dơ̆ng đĕch mă oei pơjing tơdrong ‘lơ̆ng vă tơring jang tŏk hrĕnh, pran kơjăp. Mă lei, tơdrong ‘nâu kŭm tơlĕch đei lơ tơdrong nol athei đei đon adrin tôch pơneh, khŏm jang đang rim tơdrong hơgăt, tơdrong jang atŏk tơiung mŭk drăm – tơpôl sơnăm 2025, hăm đon pơhnŏng jang tŏk GRDP hlŏh 8,5%.