'Nou jĭ sơnăm mă 3 pơtoi hloi Thủ tướng teh đak Việt Nam năm akŏm păng iung pơma ah Hop akŏm mŭk drăm apŭng plenh teh, tơdrong kăp gĭt ou tơƀôh tơdrong lăng tơgĭt păng hmach bơnê kơ Hop akŏm mŭk drăm apŭng plenh teh, adoi nhen anih jang mŭk drăm apŭng plenh teh hăm anih dơ̆ng, sơnong jang păng tơdrong tơgop đơ̆ng Việt Nam lơ̆m hơtŏk mŭk drăm apŭng plenh teh păng lơ̆m tơring.

Kơchĕng lơ̆m dôm năr oei tơ̆ Trung Quốc, Thủ tướng Phạm Minh Chính gô đei dôm tơdrong pơma đam hăm đe kơdră kơpal teh đak Trung Quốc păng dôm teh đak, năm Hop akŏm anih jang mŭk drăm Việt Nam - Trung Quốc, sơng kơdră dôm hơnih jang pran kơ teh đak Trung Quốc, tơƀơ̆p kon pơlei păng bơngai Việt Nam hơrih hŏk pơhrăm tơ̆ teh đak Trung Quốc.