Tơ̆ jơ pơm lêh, Kơdră Anih tơm Nội vụ Phạm Thị Thanh Trà hlôi roi tơbăt hơdăh, Thủ tướng Phạm Minh Chính hlôi pơjao dôm tơdrong tơchơ̆t pôk hơtŏk ƀok Trần Đức Thắng, Bí thư Anih jang Đảng dêh char Hải Dương, pơm Phŏ Kơdră dăr hơlen Kơ Anih dăr hơlen Khŭl kơdră teh đak; ƀok Hồ Văn Niên, Bí thư Anih jang Đảng dêh char Gia Lai, pơm Phŏ Kơdră Anih tơm vei lăng Hơdrĕch kon kông păng Lui khop.

Pơma iŏk hơnăp jang, bre ƀok Trần Đức Thắng, Hồ Văn Niên tơƀôh jơhngơ̆m đon băt bơnê gĭt kăl kơ Anih tơm Chĭnh trĭ, Ban Bí thư, dôm Kơdră chĕp kơ̆l Đảng, Teh đak hlôi lui ngeh, pơjao hơnăp jang; pơma hơdăh tơdrong đei pôk hơtŏk kơchư̆k jang ‘nao ‘noh jĭ 1 tơdrong chơt hơiă tih tên, hơdai hăm ‘noh kŭm jing hơnăp jang trăp trĭn hăm kơdih lơ̆m tơdrong jang vă jê̆ truh kơnh; pơma hơdăh gô khŏm hơdrin păng ‘meh hơnơ̆ng iŏk đei tơdrong bơngơ̆t truh, athei đơ̆ng đe kơdră chĕp kơ̆l, tơdrong jang hơdai bơ̆jang đơ̆ng rim anih jang vă jang đang gơh hơgei hloh hơnăp jang đei pơjao.