‘Nâu jĭ jơnei ‘lơ̆ng đei tơroi tơ̆ Hop akŏm pơtôch 3 sơnăm jang kiơ̆ Tơdrong jang tơm teh đak pơjing tơring tơrang ‘nao jăl jang 2021-2025 dêh char Dak Nông pơgơ̆r ‘năr brei (28/9). Jô̆ truh khei 9/2023, dêh char Dak Nông đei 36/60 xăh jang đang tơring tơrang ‘nao, tŏk 7 xăh pơtêng hăm sơnăm 2020, lơ̆m noh đei 1 xăh jang đang tơring tơrang ‘nao ‘lơ̆ng rŏ, đei 80% trong tơlĕch jang đei 43 xăh jang đang lơ̆m sơnăm 2025.

Jô̆ păh lăp lơ̆m dêh char đei vă jê̆ 17 tơdrong hơgăt, ưh pă đei xăh hơ yơ hơla kơ 10 tơdrong hơgăt. Tơdrong jang tơm teh đak pơjing tơring tơrang ‘nao đei hơlen lăng hơnơ̆ng hơnhăk ăn đei yua ‘lơ̆ng ăn dêh char Dak Nông. Đơ̆ng noh tŭn hrĕnh tơdrong hơtŏk tơiung mŭk drăm tơpôl, tơ jur dơnuh hin, ƀrư̆ ƀrư̆ tơgop jăh hơnhăk dêh char Dak Nông jing dêh char hơtŏk tơiung ‘lơ̆ng kơ tơring Tây Nguyên kiơ̆ tơdrong hơgăt Hop akŏm Đảng bộ dêh char ‘măng mă XII tơlĕch ăn.