Xơnăm 2023, jâ̆p teh đak tơlĕch tơchơ̆t đei pơhlom 78% xăh đei jơnei tơchơ̆t Tơring pơxĕl ‘nao; tŏ xĕt jat noh 270 anih jang tơ̆ apŭng đei xơkơ̆t kiơ̆ pơkăp Tơring pơxĕl ‘nao, đei 7-8 dêh char, pơlei tơm đei xơkơ̆t keh đang xơnong pơjing Tơring pơxĕl ‘nao. Kiơ̆ Anih pơgơ̆r jang pơjing Tơring pơxĕl ‘nao, rim tơring kăl hơtŏk pran hloh tơdrong tơroi tơbăt, tơplih đon kơchĕng găh pơjing Tơring pơxĕl ‘nao tơguăt hăm pơjing  “Choh jang xa rơgoh ‘lơ̆ng, tơring pơxĕl gơh rơgei, kon pơlei hlôh vao”. Pơgơ̆r ăh Hop akŏm, Ƀô̆ trương Anih tơm jang găh Choh pơtăm păng Hơtŏk Tơring pơxĕl Lê Minh Hoan akhan: Pơjing Tơring pơxĕl ‘nao ưh adrô̆ xơkơ̆t kiơ̆ tơdrong xa yua đơ̆ng kon pơlei, ưh đei pơkăp nhen băl, mă pơjing Tơring pơxĕl ‘nao kăl kiơ̆ dôm pơkăp kơjă joh ayŏ kăp gĭt kơdih kơ rim tơring, rim tơpôl kon pơlei.