Kŏng ti hlôi hơdrin jang hơdai hăm khŭl kơdră tơring krao hơvơn kon pơlei vang plang song teh, năr jang, tơmam vă pơyua ăn ming man, pơm hơmet ming trong tơley ŭnh điên hạ áp kiơ̆ trong kăl “Teh đak păng kon pơlei vang jang”; tơroi tơbăt hơtŏk ‘lơ̆ng đon hlôh vao vei lăng tơdrong jang ŭnh điên, jih trong tơley ŭnh điên, iŏk yua ŭnh điên ‘mơ ‘met, đei yua.

Lăp lơ̆m 3 sơnăm tơ jê̆ âu, hơdrô̆ PC Đắk Lắk hlôi bơ̆jang kiơ̆ 263 tơdrong jang pơm trong tơley ŭnh điên, hăm akŏp jên hloh 668 ti hlak jên. Hơdai hăm ‘noh, Kŏng ti tơm ŭnh điên tơring tŏk bŏk kŭm hlôi tơmơ̆t jên jang ming man 12 tơdrong jang pơm trong tơlĕy ŭnh điên tơm tơ̆ Dak Lak, akŏp jên pơm 1.322 ti hlak jên.

Truh dang ei, đĭ đăng dôm xăh, phường, thị trấn kơ dêh char hlôi đei ŭnh điên, đei 99,54% kơ sô̆ ŭnh hnam yua ŭnh điên teh đak păng 148/152 xăh jang đang tơdrong hơgăt găh ŭnh điên lơ̆m pơjing tơring tơrang ‘nao.