Lơ̆m khei druh dăm sơnăm ‘nâu, druh dăm dêh char Đắk Lắk hlôi pơjing vă jê̆ 300 khul jang tơgŭm, bơ̆jang 268 tơdrong jang kơ đe druh dăm; tơlĕch kơhrĕng tơdrong jang tơgŭm vang pơjing tơring tơrang ‘nao păng tơring kơdrâm rơgei, vei lăng cham char, tơjră hăm tŏ ‘mi kial tơplih.

Sơnăm mơlôh Đắk Lắk hlôi jang 29km tơdrong jang “Tơ̆k hơdăh trong sơlam”, “Tơ̆k hơdăh trong pơlei”, pơjing 218 khŭl năm jang tơgŭm pơtho kon pơlei iŏk yua kơmăy sô̆ hăm hloh 2.600 ‘nu đoàn viên druh dăm vang jang, pơgơ̆r tơroi tơbăt, pơhrăm, pơtho kon pơlei iŏk yua kơmăy pơvih pơvăn trư̆k thuyê̆n kơ teh đak… Tơdrong ‘lơ̆ng lơ̆m dôm tơdrong jang đơ̆ng sơnăm mơlôh Đắk Lắk ‘noh jĭ tơdrong vang “Sut pơđĭ hnam pơgia, hnam hiah hiok”, mong akŏm đei hloh 1,3 ti hlak jên păng vă jê̆ 1.400 năr jang vă man ‘nao 32 tŏ hnam tơgŭm druh dăm păng hơioh đei tơdrong arih sa mơmat tat.