Lơ̆m vă jê̆ 1.900 unh hnam kon pơlei dêh char Kon Tum pă đei oei lơ̆m hnam pơgia hnam hyah hyok bơih, đei hloh 1.400 unh hnam đei man ăn hnam 'nao păng hloh 400 unh hnam đei hơmet ming hnam. Unh hnam pơmai Y Lan tơ̆ pơlei Kon Jri Xút, xah Đăk Blà, pơlei tơm Kon Tum jĭ unh hnam đei iŏk hnam mă blŭng lơ̆m kơsô̆ 1.400 tŏ hnam đơ̆ng Tơdrong jang sut lê̆ hnam pơgia hnam hyah hyok kơyuơ Anih tơm Kŏng an tơlĕch jang tơ̆ dêh char Kon Tum.

Jơ̆p dêh char Kon Tum đei 2.752 tŏ hnam pơgia hnam hyah hyok kăl đei man 'nao păng hơmet ming tơgŭm unh hnam hin dơnuh, unh hnam đei tơdrong hơrih tơnap tap gơh sơđơ̆ng anih oei xa. 'Nguaih kơ jê̆ 1.900 tŏ hnam đei man 'nao, hơmet ming, dêh char Kon Tum tơchơ̆t truh hơtuch khei 6 ou kơnh, gô keh đang jê̆ 870 tŏ hnam dơ̆ng.