Pathau mik va song tong abih gauk ! Tỉnh Bà Rịa - Vũng Tàu urak ni hu jiak 7.500 boh sang gam song labaih 32 ribau menuac. Bruk peih ngak sarak dong patagok bruk ngak mbang, dong bruk ngak, daong sang dok di tỉnh hu dong ka mik va kan kathaot yam tagok patruh kathaot khang kajap. Kadha vak di Nguyễn Nam angaok mbao Nhân dân ndom ka dom siam lagaih di sarak bangsa di tỉnh ni.

Tuk vak tapa, dalam tuk rilo urang ngak bein pala phun thanh long di bhum tanera krong CL gaok kan kandah kayua bruk pablei janih boh kayau ni oh tani tanat, laik yaom, ye mik va xã viên di Hợp tác xã thanh long Mỹ Tịnh An, huyện Chợ Gạo, tỉnh Tiền Giang biak bui sambai kayua bruk pambuak gauk pala tagok hu siam lagaih. Boh thanh long di hợp tác xã pablei tabiak negar lingiu, hu yaom glong, dong ka urang ngak bein duah hu jien tani tanat. Nhật Trường, urang vak di rayo sap ndom VN dok di bhum ĐBSCL hu kadha vak ndom ka bruk pambuak gauk pala ni:

Dalam tuk ruak tangin takai cambuai oh padeih patagok dom menuac tame sang iek ruak ye dom urang njauk ruak sởi jeng dok tagok rilo dalam negar, abih di nyu nan lac di dom tỉnh ban gah merong. Tui dom chuyên gia y tế dự phòng, ruak sởi mbuan njom mbak, min rilo menuac jeng oh ka thau dom jalan pacang caga, dalam tuk tỉ lệ miễn dịch cộng đồng daok oh ka glong. Njauk ngak hagait piah pacang cakak ruak sởi njom mbak ? Urang vak Kim Dung hu kadha vak ndom ka bruk ini:

Urak ni, pandap ja, pandap ngak mblah tui, gaok tal quyền sở hữu trí tuệ jeng dok rah tabiak rilo, dak harei dak hu rilo thủ đoạn tinh vi. Rajaei hu tabiak rilo chỉ thị, sarak, abih di nyu nan lac sarak 41 ka patagok bruk mesruh pacang buôn lậu song gian lận thương mại dalam tukvak bahrau, dalam nan hu pacang pandap ja, pandap mblah tui, pandap vi phạm quyền sở hữu trí tuệ. Min, pandap ja, pandap mblah tui, pandap vi phạm quyền sở hữu trí tuệ jeng dok rah tabiak rilo. Bruk mesruh pacang pandap ja, pandap mblah tui,, gaok tame quyền sở hữu trí tuệ urak ni brei hu bruk pataom mbaok tame di urang pandar song doanh nghiệp. Kadha vak di Minh Hạnh, urang vak di rayo sap ndom VN dok di ban raya HCM hu ndom tal bruk ni.

Pathau mik va song tong abih gauk ! Lac labik hadah krah dalam bruk patrun kathaot dalam negar, ban raya HCM oh padeih hu dom jalan nao hadah krah, gam gam salih bahrau dom danak dak dong ka urang kan. Dalam nan hu bruk brei pandap ngak mbang duah jien ka boh sang dalam sarak karja gaok kan kandah, boh sang kan kathaot. Ni hu mong lac sa dalam dom jalan ngak siam piah peih bruk jak ba daong ka urang kan kathaot tui danak dak patrun kathaot khang kajap, gam song bruk padang ngak palei pala bahrau,,, đô thị văn minh di ban raya HCM meng ni tal thun 2020. Kadha vak hadei ni di Ngọc Xuân, urang vak di rayo sap ndom VN dok di ban raya HCM brei thau ka jalan ngak ni, daa mik va song tong abih gauk tui pang

Hadei di tuk UBND tỉnh Bình Phước tabiak harak brei thau ka sarak ngan song taneh ngak nong neh tabiak truh taneh glai, rilo sang meda ngak hu (ngak salah bloh) bruk tut angan likau harak chứng nhận quyền pandar taneh . Min, anak meta mboh lac tuk vak tapa bahrau hu 12% mblang taneh hu brei harak. Piah jhul samar bruk ni, huyện Bù Đăng hu rilo jalan ngak siam, lagaih. Kadha vak hadei ni di urang pambuak haong rayo sap ndom VN dok di tỉnh Bình Phước brei thau cambaih jang ka bruk ni. Daa mik va song tong abih gauk tui pang.

Dom thun tapa, di Bà Rịa- Vũng Tàu, rilo danak dak, rilo bruk ngak daong ka urang kumei padang mbang ngui, patagok kinh tế sang hu Hội Liên hiệp urang kumei tỉnh peih ngak, ba brei bruk ngak, patagok jien mek tame ka adei sa-ai kumei. Meng bruk kham merat di eng drei, hu rilo urang kumei yam tapa kan kandah, yam tagok tabiak truh kan kathaot, ngak mbang naih joi. Kadha vak di Lưu Sơn, urang vak di rayo sap ndom VN daok di ban raya HCM brei thau dom siam lagaih, kein laba di bruk urang kumei daong gauk padang mbang ngui dalam, da-a mikva saong grauk ayut tui pang:

Piah paglaong raidiuk, sangka iek glang urang daok ngak bruk di khu công nghiệp, tỉnh Bình Phước bahrau ini hu peih pasak Ilamu, Thể thao Công đoàn. Tal urak ini, bruk nan daok ba mai bui sambai, chreih chrai ka urang ngak dalam dom khu công nghiệp, urang ngak dalam tỉnh saong bhap bini daok di dom labik jaik taphia. Kadha vak "Bruk bui sambai di urang ngak daok di labik thiết chế văn hoá" di urang pambuak bruk haong rayo sap ndom VN daok di tỉnh Bình Phước brei thau cambaih jang ka bruk ini, da-a mikva saong taong abih gauk tui pang!