Dom thun tapa, di Bà Rịa- Vũng Tàu, rilo danak dak, rilo bruk ngak daong ka urang kumei padang mbang ngui, patagok kinh tế sang hu Hội Liên hiệp urang kumei tỉnh peih ngak, ba brei bruk ngak, patagok jien mek tame ka adei sa-ai kumei. Meng bruk kham merat di eng drei, hu rilo urang kumei yam tapa kan kandah, yam tagok tabiak truh kan kathaot, ngak mbang naih joi. Kadha vak di Lưu Sơn, urang vak di rayo sap ndom VN daok di ban raya HCM brei thau dom siam lagaih, kein laba di bruk urang kumei daong gauk padang mbang ngui dalam, da-a mikva saong grauk ayut tui pang:

Piah paglaong raidiuk, sangka iek glang urang daok ngak bruk di khu công nghiệp, tỉnh Bình Phước bahrau ini hu peih pasak Ilamu, Thể thao Công đoàn. Tal urak ini, bruk nan daok ba mai bui sambai, chreih chrai ka urang ngak dalam dom khu công nghiệp, urang ngak dalam tỉnh saong bhap bini daok di dom labik jaik taphia. Kadha vak "Bruk bui sambai di urang ngak daok di labik thiết chế văn hoá" di urang pambuak bruk haong rayo sap ndom VN daok di tỉnh Bình Phước brei thau cambaih jang ka bruk ini, da-a mikva saong taong abih gauk tui pang!

Labaih 5 thun tapa, urang nong xã Phước Hải, huyện Ninh Phước, tỉnh Ninh Thuận ngak hu jak jeng bruk raong jah angaok cuah piah pablei. Meng nan, urang nong di labik ni duah hu rilo jien padai, yam tabiak truh kan kathaot. Bruk ngak ni dok peih tabiak jalan patagok bruk rong anek athur bahrau ba mai kinh tế glong ka urang nong di bhum palei pala dalam tỉnh Ninh Thuận.