Meng dom janih pandap tok pabak ka hatai caong khin pandar dalam rai diuk yaok harei di mikva dalam palei yau gaok, glah, jeik, hỏa lò…, tal harei ini, lan am Bàu Trúc hu cakrok patagok lan am mỹ nghệ ngan haong rilo janih saong hu rilo urang takre. Meng sa palei kathaot rambah, urak ini palei lan am Bàu Trúc daok mbeik drei nao tagok ngan haong dom harak pambuak bruk hu yaom yaok rituh triệu đồng meng pandap panda lan am mỹ nghệ. Angan Hamu Craok Bàu Trúc hu tuk mboh lac tok daok dalam akaok sahneng saong dalam tapuk sipau, urak ini hu jeng sa labik mai rivang ma-in di rilo kapul nyaom tuai damuai dalam saong langiu taneh aia. Urak ini, daa mikva saong taong abih gauk mai rivang palei lan am Hamu Craok di bal sit Phước Dân, huyện Ninh Phước, tỉnh Ninh Thuận piah mong mboh “mầm Xuân meng dom palak tangin urang ngak lan am” tapa kadha vak hadei ini di Đoàn Sĩ – Urang vak di rayo sap ndom VN daok di bal raya HCM.

Pathau mik va song tong abih gauk! Lac janih nghệ thuật meng kan di gah merong negar hu sa saman cakrok patagok, min rilo thun ni mai, cải lương song kịch nói dok laik tame tuk trun biar kayua rilo makna. Rilo nghệ sĩ ndom lac,meyah oh samar hu dom jalan ngak siam ye cải lương, kịch nói biak kan pasiam veik hu, ndom hagait tal bruk tagok veik. Dom suh sah nani di dom nghệ sĩ dok ngak dalam 2 janih nghệ thuật ni hu Mỹ Dung, urang vak di rayo sap ndom Việt Nam dok di ban raya TPHCM brei thau dalam kadha vak hadei ni

Yaok thun tuk thun bahrau tal mai, langiu ahar tapei nung, bánh chưng, salao baoh kayau 5 janih…ye oh kurang hu dom janih bingu. Gam saong langik xuân di bhum meraong jeng yua taneh Bai Gon lac dom phun binguk mai kanjik katam, dom janih bingu lan, cúc, thược dược, vạn thọ…Yau nan ye, piah ka urang ngak brei mekre sang danaok raok Tết, main xuân ngan saong dom phein bingu hadah tanyak, rik tame ngak brei thaok binguk biak gheih dalam dom harei xuân, dalam dom harei jaik Tết thun nasak pabui 2019, dom urang pala bingu di Ban raya HCM daok thuvi thvar iek caga ka bein bingu di drei piah pablei di darak Tết.

Pathau mik va song tong abih gauk !Bahrau meteh bilan di thun 2019 min di dom khoa ruak njom mbak di sang iek ruak uranaih song sang iek ruak di ban raya HCM biak quá tải kayua hu biak rilo urang ruak tame sang iek ruak kayua ruak sởi. Urang vak Kim Dung – dok di ban raya HCM hu kadha vak brei thau ka bruk ni:

Pathau mik va song tong abih gauk !Dom harei ni, mik va Raglay, K’Ho di dom xã bhum ceik, bhum glong huyện Bắc Bình, tỉnh Bình Thuận dok chreih chrai uan raok Tết akaok padai. Ngan song rilo bruk ngak biak gheih, Tết akaok padai lac tuk piah ka mik va dhar phol po langik po tasik, daong ka mikva ngak padai hu padai, pala tangei hu tangei, rai duik trei sil haniem phol. Kadha vak di NaUy –urang pambuak bruk song rayo sap ndom VN brei thau ka bruk ni.

Pathau mik va song tong abih gauk ! Tết Nguyên đán thun anek sak pabui 2019 dok mai jiak tal, rilo jabat, kapul nyaom, doanh nghiệp dalam ban raya HCM daok kham merat peih bruk iek glang, daong ka urang ngak di tuk puac thun, piah ka urang ngak hu nao palei mbang Tết haong amaik ame, gauk gar, atau hu mbang Tết bui sambai tuk daok atah palei. Kim Dung, urang vak di rayo sap ndom VN dok di ban raya HCM hu kadha vak ndom ka dom bruk ngak ndung bak hatai anit ranam ini:

Rilo thun gam (meng thun 2015 tal thun 2017) ikan lồng bè di Long Sơn, ban sit Vũng Tàu metai biak rilo. Makna lac kayua dom sang mac ngak kaya ikan dalam aia tathuak ia nerak tabiak môi trường di Tân Hải, huyện Tân Thành (URAK ini lac bal sit Phú Mỹ). Piah langyah ka nyu salah bruk ini, tukvak tapa, karja palei saong dom gah chức năng hu ngak catang bruk panduan ba dom labik ngak, sang mac nan tabiak truh khu vực. Meng bruk ngak catang ini bo dua thun tapa halau aia pak ini hu siam tagok, rilo urang taong mek kaya ikan urak ini hu mai veik labik kraong Chà Và piah raong veik kaya ikan dalam aia. Palei ikan bè Long Sơn hu tamuh veik. Nan lac asal dalam kadha vak hadei ini di Lưu Sơn, urang vak di jabat lambaok rayo sap ndom VN daok di TP HCM:

40 thun dahlau, tui bruk khik caga di bangsa, nol bala saong bhap bini drei di biên giới Tây Nam di taneh ia ba gauk dang tagok taong tayah kol phản động Pôn Pốt – Iêng Xari. Bruk mesruh metak nan mek hu jayah, khik caga hu độc lập, chủ quyền biên giới taneh ia, daong ka bhap bini Campuchia taong jaleih chế độ diệt chủng, yam tame saman bahrau, saman hòa bình, hòa hợp bangsa saong cakrok patagok. Di tuk pahadar 40 thun Harei jayah mesruh metak khik caga biên giới Tây Nam di taneh ia saong pambuak haong bol bala jeng ye bhap bini Campuchia jayah chế độ diệt chủng (7/1/1979-7/1/2019), urang vak Ngọc Hân daok di bhum taneran kraong CL hu kadha vak brei thau dom kadha di saman nan tapa panuac khan veik di dom tướng lĩnh pakat glaong di bol bala drei: