Dom harei ini, yau dom bangsa karei dalam taneh ia, urang bangsa Khmer di Sóc Trăng jeng hu rilo bruk ngak piah pahadar 44 thun harei peih paha gah meraong negar, yasa taneh ia. Tukvak tapa, Sóc Trăng peih ngak hu siam dom phun jien daong patagok bhum urang bangsa takik, meng nan raidiuk mikva pak ini hu salih bahrau biak rilo, mbaok meta phum sóc hu hadah hadai tagok. Piah mboh cambaih jang bruk salih bahrau di bhum bhap bini Khmer tỉnh Sóc Trăng,kol drei tui pang kadha vak hadei ini di Nguyễn Phong angaok harak Báo Điện tử Nhân Dân:

Daok di jalan Tỉnh lộ 702 nao tal dom labik du lịch daneiy angan di xã Vĩnh Hải, huyện Ninh Hải yau: tasik Mỹ Hòa, Hang Rái, Vườn Quốc gia Núi Chúa, vịnh Vĩnh Hy, min dom thun jaik di ini, palei nho Thái An hu jeng labik ravang iek di rilo tuai damuai dalam saong langiu negar tuk mai tal Ninh Thuận. Urak ini, dom bein nho tasak mekre daok hu urang nong mong iek tani tanat, kuhria caga taduan raok tuai damuai mai rivang me-in dalam dom harei pataom Nho saong Vang Ninh Thuận 2019. Kadha vak di urang pambuak bruk Thanh Trí brei thau ka palei nho ini:

TPHCM daok hu rilo bruk ngak pataom iek veik 10 thun peih bruk jak ba “Urang Việt Nam dahlau di abih njauk pandar pandap Việt Nam”, taphia di nan ba tabiak rilo jalan peih ngak bruk jak ba ini dalam tukvak anak tal. Njauk caik hatai nan lac dalam dom jalan ngak nan, bal raya biak sangka tal bruk ngak tabiak saong blei pandar dom janih pandap panda kaya nong tui jalan ngak yau habar piah urang nong bal raya gam haong urang nong di dom tỉnh bal karei pabak nyaom pandap ini njauk salih jalan ngak, jalan raong, pala. Meng nan, urang blei pandar eng drei palih ruah pandap panda kaya nong dalam negar bo oh cang ieu, cang jak ba tra.

Yaom lac bruk ngak di gah Gilang tapuk tukvak tapa gaok rilo kan kandah min Gilang tapuk ban sit Thuận An, tỉnh Bình Dương duah hu jalan ngak gheih piah dui pachreih urang puac tapuk. Nan lac meng hu dom menuac ngak gilang tapuk pak ini tuk halei jeng sahneng mboh lac, ba tri thức tal urang puac tapuk lac bruk ngak di drei...Da-a mikva saong taong abih gauk pang kadha vak di Quỳnh Như ndom ka dom rik daong di Gilang tapuk ban sit Thuận An, tỉnh Bình Dương dalam bruk padang ilamu puac tapuk dalam bhap bini:

Pathau mik va song tong abih gauk, Padang ngak palei pala bahrau hu mong lac danak dak patagok palei pala siam di abih kuhria meng dahlau deih mbiah tal ni, lac prein jhul rik daong peih ngak hu sarak 26 ka bruk ngak nong , urang nong, palei pala. Danak dak brei hu pren khang biak praong, dalam tuk kadung jien karja hu takik. Kayua yau nan ye, piah peih ngak hu bruk padang ngak palei pala bahrau, tỉnh Bình Thuận hu sangka patagok bruk ngak di bhap bini dalam luac tuk vak peih ngak bruk ni. Kadha vak di Thanh Duyên angaok mbao Bình Thuận hu dong ka khol drei thau cambaih laih jang bruk ni:

Pathau mik va song tong abih gauk! Tỉnh Quảng Nam hu 9 huyện bhum ceik. Ni lac labik dok di 19 bangsa takik, gam song labaih 120.000 urang. Tui jalan khik ramik patagok ilamu dom bangsa takik di tỉnh Quảng Nam tal thun 2020, tỉnh hu ba tabiak jalan ngak praong lac khik ramik darah samar dom janih ilamu mbuan si lahik nao, patagok dom janih ilamu hadah krah di dom banga. Kadha vak hadei ni di urang vak Hoài Nam dok di gah kreih negar hu ndom ka bruk khik ramik dom janih ilamu meng kan dalam bhap bini bangsa Cơ Tu:

Pathau mik va song tong abih gauk! Palei ilamu, xã palei pala bahrau min rilo thun ni mai yaok ribau rahra dok nao mai angaok jalan palei oh ka hu pasiam veik. Nan lac bruk daok hu mboh di xã Phú Hội, huyện Đức Trọng, tỉnh Lâm Đồng. Kadha vak di Tuấn Anh-urang vak di rayo sap ndom Việt Nam dok di Tây Nguyên brei thau ka bruk nan.

Pathau mik va song tong abih gauk ! Meng harei 26-4 tal harei 2-5-2019, UBND tỉnh Ninh Thuận peih harei pataom Nho song Vang Ninh Thuận 2019 piah yaih khan thaot binguk palei negar, anek menuac Ninh Thuận song pok meyaom dom yaom glaong kinh tế bo phun nho ba mai. Kuhria caga ka sa bruk ngak prong ni, gam song dom palei dalam tỉnh, urak ni mik va bangsa Chăm di dom palei ngak meng kan di huyện Ninh Phước dok jhul khang bruk sản xuất, paglaong chất lượng pandap piah yaih khan tal tuai damuia dok dalam song langiu negar dalam tuk pataom ini. Đinh Hùng hu kadha vak angaok bao NTV online, daa mik va song tong abih gauk tui pang.

Pathau mik va song tong abih gauk , Tuk vak tapa, piah kaya nong mek hu năng suất song chất lượng glong, rilo doanh nghiệp hu pambuak bruk song urang nông ba kỹ sư trun bhum pala drak tacei pato saong brei thau bruk buh khak siam lagaih, plaih pandar khak rilo, ba tal n.erak môi trường, puac vụ doanh nghiệp blei veik kaya pandap. Meng bruk pambuak gauk ni , doanh nghiệp song urang nong jeng hu kein laba. Tui nan bo pandap hu chất lượng samu gauk. Kadha vak di Thanh Hải angaok mbao Sài Gòn Giải Phóng brei thau dom kein laba di talei pambuak bruk ini.

Pathau mik va song tong abih gauk, Mesruh metak tapa bloh labaih 40 thun, meng sa palei kan kandah, lac bhum ala beir di gah Đông Nam bộ, urak ni tỉnh Bình Phước hu salih bahrau mbaok meta , hu patagok kinh tế - xã hội. Mong iek veik tuk vak salih bahrau , rilo urang oh klah di tatuak drei song cong tame bruk dak padang jeng đô thị thông minh, jeng labik pambuak bruk prong di bhum kinh tế praong gah merong. Daa mik va song tong abih gauk pang kadha vak di urang vak Duy Phương, dok di ban raya HCM ndom ka bruk ni: