Ban raya HCM yaok harei klaak tabiak labaih 8.900 tấn nerak, dalam nan hu labaih 1.800 tấn nerak nhựa. Piah jak ba urang pandar patrun hu nerak nhựa lac bruk oh mbuan kayua nyu lagaih song pandar lap jien jang dut song dom pandap siam ka môi trường. Kadha vak di urang vak Xuân Ngà- urang pambuak bruk Thanh Nguyệt, dok di ban raya HCM:

Pathau mik va song tong abih gauk: Di tapen krong Sài Gòn, hu sa tal bac anit ranam biak karei. Tal bavc prong labaih 10 m2 dok dalam sa hẻm sit angaok jalan Huỳnh Tấn Phát, phường Phú Mỹ, quận 7. Ni lac labik pabak hatai khin hu nao tal sang bac ka rilo adei sit di dom boh sang kan kathaot meng dom tỉnh jiak tapen mai ban raya HCM ngak mbang pah.. Meng hatung hatai di drei dom urang dang pato di tal bac yam tapa rilo kan kandah, kham merat dang pato bac luac rilo thun tapa. Sa thun bac bahrau daok mai tal, daa mik va song tong abih gauk gam song urang vak Vinh Quang, dok di ban roya HCM mai rivang tal bac ni. :

Huyện Ninh Phước, tỉnh Ninh Thuận, hu angan lac labik hu rilo palei ngak meng kan yau menyim khan bai Caik Klaing - Mỹ Nghiệp, Chung Mỹ atau lan am Hamu Traok - Bàu Trúc – palei ngak lan am lavik rai abih di urang Cam. Dom thun tapa, karja palei haong mikva kham merat khik ramik bruk ngak lan am meng kan pambuak haong patagok du lịch tui jalan cakrok khang kajap, saong hu ba bruk ngak ka urang ngak dalam palei. Kadha vak hadei ini di Phan Hiếu hu ndom ka bruk ini

Meng sa labik ngak mbang kan kandah ngan haong dom adat cambat klak oh daok lagaih, palei Chăm di xã Xuân Hưng, huyện Xuân Lộc, tỉnh Đồng Nai daok salih bahrau meng hu dom sarak daong ba di karja. Urang vak Xuân Lượng, daok di bal raya Hồ Chí Minh hu kadha vak ndom ka bruk salih bahrau ini:

Tapa dom palei Cam di An Giang, tuai damuai lingiu di bruk mboh chreih chrai haong dom gheih mekre di dom baoh sang megik, dom baoh sang tual hu padang ngak biak mekre, bo daok hu thau tal dom janih pandap mbang meng kan biak gheih, biak bingi di urang Cam. Kol drei pang kadha vak di Hữu Huynh angaok Báo Điện tử An Giang yaih khan ka dom gheih mekre ini:

Pathau mik va song tong abih gauk: Dom thun tapa, dalam “bruk” patagok thủy điện, di huyện kan kathaot tapen negar Đăk Glei, tỉnh Kon Tum hu tal 11 dự án ngan song công suất labaih 150MW. Tỉnh Kon Tum cong lac dom dự án ni tagok hu pren khang, jhul kinh tế xã hội huyện kan kathaot Đăk Glei patagok. Min, mbiah tal urak ni labaih 10 thun tapa bloh bahrau hu sa thủy điện hu padang ngak bloh song công suất tok hu 7MW. Dom dự án dok veik jeng ngak biak suai damuai, oh ngak hu song mbuan si ba tal bala . Urang vak Khoa Điềm, dok di bhum Tây Nguyên hu kadha vak “Cuang kandah hadei di bruk ngak thủy điện di huyện kathaot Đăk Glei tỉnh Kon Tum”. Daa mik va song tong abih gauk tui pang!

Pathau mik va song tong abih gauk, Bruk menyim khan bai kak kajap haong rai duik mbang ngui dok dang di mik va Vân Kiều- Pa Cô daok di huyện bhum ceik Đakrông, tỉnh Quảng Trị meng dom saman ini mai. Hu tuk, bruk jaik lahik nao kayua urang nduac tui thời trang cuk ngui khan aow bahrau. Urak ni, bruk menyim khan bac meng kan dok hu pasiam veik . Dom blah khan bac meng kan oh lac hu mbaok di labik công sở atau dom harei rija di pak ni. Kadha vak di urang vak Thanh Hiếu di gah kreik negar.

Pathau mik va song abih gauk! Oh hu adat brei mek jien “Quốc phòng an ninh” min urang jakar ấp di xã Tân Thành, ban sit Cà Mau, tỉnh Cà Mau jeng dok mek jien. Bhap bini oh thau jien urang rik tame nyu nao halei , pandar dalam bruk hagait nan ye hu đơn khin ngak cambaih. Kadha vak di Trần Hiếu – urang vak di rayo sap ndom VN dok di bhum taneran krong Cửu Long

Pathau mikva song tong abih gauk! Tui pasang iek bahrau ni di HĐND tỉnh Bà Rịa – Vũng Tàu, bruk phân lô, pablei nền, padang ngak suan hukum, oh hu adat angaok taneh ngak nong jeng dok rah tabiak rilo saong dak harei dak oh huac hagait. Tapa duah thau, dalam 192 mbang phân lô, tách thửa ye hu tal 130 mbang oh hu adat. Caik rah tabiak yau nan, lac kayua bruk duah mboh song langyah di dom puk palei dok takik sangka. Kadha vak di urang vak Lưu Sơn, dok di ban raya HCM hu khan tal bruk ni. Daa mik va song tong abih gauk tui pang.

Tukvak tapa, dom danak dak sang mac điện ia harei tamuh tabiak rilo di dom tỉnh Ninh Thuận, Bình Thuận…Bruk quá tải jalan điện truyền tải di labik ini hu khan brei thau dahlau bloh. Anak meta mboh lac hệ thống điện daok kurang labik pabak, min sang mac oh nduac hu abih công suất. Bruk nan daok ngak khat lahik ka dom po buh jien tame ngak saong gah blei điện lac Tập đoàn Điện lực Việt Nam. Kadha vak di Đức Dũng – urang vak di TTX Việt Nam brei thau ka bruk ini: