Jiak 70 thun kak kajap haong bhum taneh tapen negar xã Khánh Bình, huyện An Phú, tỉnh An Giang, ong A Ly – Hakiem sang megik Mukarromah hu mikva Cam iek prong iek glong., bac megru tui. Ong nan lac sa dalam 14 hakim song dom urang hu angan je dalam bhap bini dom bangsa, agama tuk halei jeng pambuak song urang jakar,, urang lin Đồn Biên phòng cửa khẩu Long Bình, BĐBP An Giang dalam bruk dak padang song khik caga chủ quyền, an ninh bhum tapen negar. Dalam dom harei raok thun bahrau anek sak takuh 2020, daa mikva song tong abih gauk nao rivang ong Hakiem ni tapa kadha vak di Chiến Khu angaok mbao Điện tử Biên Phòng.

Yaok thun, rilo dam dara urang ranaih umo dalam taneh ia mai tal dom labik Bãi Thịt, Bãi Hõm, Bãi Ngang dalam Bein Núi Chúa, xã Vĩnh Hải, huyện Ninh Hải (t.Ninh Thuận) piah halan hatian khik caga siam mekre salamat ka janih kara kanduh tasik tuk nyu tagok mebaoh. Gam saong nan, dom dam dara daok hu pato ka uraniah daok di bhum tasik bac sap Anh, tin học, peih bruk pataom mek hareik piah ngak hacih mblang tasik… Da-a mikva saong taong abih gauk pang kadha vak di Nguyễn Trung angaok báo Nhân Dân, vak ka bruk kham merat di dom urang halan hatian piah rik daong khik caga kara kanduh tasik yam tapa bruk mbuan si lahik abih, piah ka Bein pakat negar Núi Chúa miat miat lac labik kara kanduh mai duah veik labik hadei di yaok pluh thun daok ala tasik praong.

Hu mboh lac, dalam bruk padang mbang ngui di dam dara bangsa takik, abih di nyu lac dalam tuk jien ndo, prein yava piah ngak dom sarak bangsa daok hu takik, oh pagam pambak hu abih tame dom danak dak, dự án, sarak daong di Karja, bo njauk pataom rilo jang tame bruk patagok prein khang di drei. Tukvak tapa, gah raong glang taneh ia drei gam gam dang anak dom jit ruak njom mbak di tapon athur raong, menuk ada, ngak khat lahik praong ka doanh nghiệp saong dom baoh sang raong.“Kan kandah mblo jak gheih”, sa-ai Liêng Hot Ha Set (bangsa Kơ Ho Chil), daok di tỉnh Lâm Đồng hu sahneng duah, saong khang hatai padang mbang ngui meng bruk raong pabui glai lai saong pabui jhuk, tuk camereip ba mai rilo kein laba.Di harei akaok thun bahrau ini, da-a mikva saong taong abih gauk ngak krein, ngak randap haong urang likei thau sahneng, thau ngak ini tapa kadha vak di Nguyễn Thanh Hồng, angaok Tạp chí Xây dựng Đảng.

Ba drei main tết di grauk labik, Bhap bini urang Laow di ban. Châu Đốc, tỉnh An Giang đdok thar var song dom bruk un raok rthun bahrau. Ngan song tuk vak dok suai lavik Tết Nguyên đán di urang Laow gam hu dom janih karei di gauk , gam siam mekre ndung bak ilamu urang Việt. Kadha vak di Thanh Tiến vak angaok mbao Báo An Giang hu dong ka khol drei duah thau ka Tết Nguyên đán di mik va urang Laow pak ni

Yaom lac harei Roya Haji meng lac tết meng kan di urang Chăm tui agama Islam, min rilo thun tapa, Tết Nguyên đán hu jeng Tết ka 2 di mik va urang Chăm. Dalam dom harei ni, mikva jeng jar var ngak har, rimi ramik sang danaok, piah caga uan raok thun bahrau. Thiên Lý, urang vak di rayo sap ndom VN daok di ban raya HCM hu kadha vak : "Palei Chăm di Bình Dương bui sambai uan raok Tết Nguyên đán", daa mik va song tong abih gauk tui pang:

Mai veik bhum tapen tasik bal sit Vĩnh Châu dom harei akaok thun, mboh pak ini biak chreih chrai kayua thaik binguk urang nong jan van meng bruk ngak taneh, mong iek njam patam tal bruk thu hoạch dom janih kaya nong hu pala. Oh daok lac thaik binguk sa sambo hijao karei di phun akaok lasun tím tra, di dom mblang tameran mikva hu salih tapa pala dom janih njam patam hu yaom kinh tế grap tanat jang. Dalam nan rilo di abih njauk khan tal akaok củ cải mbong.

Việt Nam hu mboh tangin tame rilo hiệp định pablei salih tự do piah peih prong darak pasa pablei tabiak negar langiu. Bruk dui pachreih di dom darak pasar ini jeng laik haong bruk Việt Nam gaok rilo kan kandah dalam bruk meriak gauk pablei tabiak negar langiu meng Trung Quốc, Thái Lan saong jaik di ini lac Campuchia – dom taneh aia dreh yau Việt Nam ka dom janih pandap pablei tabiak negar langiu.

Meng ngak mbang hu, bruk me-in bingu, phun kiểng jeng tagok rilo jang. Abih di nyu lac tuk tame thun bharau, meda lac sang halei jeng hu bingu that, hu phun kiểng piah caik di papan kakuh saong piah ngak brei mekre sang. Kayua yau nan ye, dom harei ini, dom urang ngak bein daok ba abih prein yava tabiak iek glang rilo janih bingu, phun kiểng ka nyu mekre jang piah pachreih urang blei. Hadei di ini, da-a mikva saong taong abih gauk pang kadha vak brei thau ka bruk kuhria caga di dom urang ngak bein saong bruk pabak bingu kiểng Tết meng 3 palei bingu praong di miền Tây Nam bộ lac palei bingu Sa Đéc (phường Tân Quy Đông, TP Sa Đéc, tỉnh Đồng Tháp), Palei bingu kiểng Cái Mơn (huyện Chợ Lách, tỉnh Bến Tre) saong bingu phun cảnh An Khương, xã Minh Hòa, tỉnh Kiên Giang :

Urak ini, Tiền Giang hu taong yaom lac kareih camin dalam bruk ngak pakat negar padang ngak palei pala bahrau di bhum taneran kraong CL. Xã palei pala bahrau oh lac tok tagok gah số lượng bo chất lượng di 19 tiêu chí hu ba tabiak jeng glaong jang. Nan lac pren khang di taong abih hệ thống chính trị saong taong abih bhap bani, kham merat peih ngak jayak sa jalan ngak njauk haong hatai di bhap bani.

Lac sa dalam dom tỉnh kan kandah di abih dalam bhum taneran kraong Cửu Long ngan saong dom baoh sang kathaot daok dalam top glaong abih di taneh ia. Min meng bruk pan akaok, tacei jalan khang di Tỉnh ủy, bruk sahneng duah jalan ngak bharau di karja, bruk njauk hatai pachreih tui di rahra, tỉnh Sóc Trăng dak harei dak patrun dom kan kandah, mbeik drei yam tagok biak khang. Hadei di 10 thun peih ngak danak dak bruk ngak negar padang ngak palei pala bahrau, tỉnh mek hu rilo jak jeng siam mekre.