Meng hu jaik 7.000 sruh kapal gilai taong ikan, dalam nan hu labaih 1.000 sruh hu pren khang meng 300 CV (mã lực) tagok hu pagam caik rilo janih pandap bahrau, urang taong ikan Bình Thuận hu ilamu meng lavik mai ngak kaya meda meng bhum tasik Trường Sa di taneh aia. Dom thun jaik di ini, yaom lac bruk taong mek kaya ikan gaok rilo kan kandah, min dom urang taong ikan pak ini jeng daok tui jalan di ong muk amaik ame, kham merat kak kajap haong tasik.

Meng hu jit ruak Covid-19, rilo urang ngak mai tal Bình Dương ngak bruk duah jien njauk lahik bruk ngak, laik tame kan kandah. Piah daong khik siam mekre raidiuk urang ngak, dom gah, dom pakat haong doanh nghiệp di Bình Dương hu pataom prein yava tame sangka iek glang. Ini hu maong lac bruk praong dalam Bilan urang ngak thun 2020 di Bình Dương. Kadha vak “Pachreih hatai urang ngak dalam bilan jit praong Covid-19” di Thiên Lý- urang vak di rayo sap ndom VN daok di ban raya HCM brei thau ka bruk ini:

Meng harei 4/5, anek saih dalam taneh ia nao bac veik hadei di tukvak padeih lavik harei piah pacang caga Covid-19. Kayua jit ruak jeng daok rah tabiak kan si thau dahlau, dom jalan pacang caga ruak hu dom sang bac ba tabiak ngak biak catang. Kadha vak di kapul urang vak di rayo sap ndom VN daok di ban raya HCM brei thau dom kham merat khik caga siam mekre salamat sang bac di dom tỉnh, ban gah Meraong negar:

Hadei di tuk jit ruak Covid-19 mboh yau pacang hu, dom sang bac ĐH, Học viện, Cao đẳng hu brei sinh viên, urang bac nao bac veik hadei di tukvak suai lavik bac trực tuyến. Yau nan, sang bac ĐH ngak hagait piah plaih ruak njom mbak? Kol drei duah thau tapa kadha vak hadei ini nyé!

Hadei di sa tuk vak tui bruk paatah di gauk piah pacang caga jit Covid-19, Ubbhap bini tỉnh Bình Thuận brei adat ka dom labik pablei salih, dịch vụ hu peih pabah mbang veik.. Tui nan dom labik dok , labik rivang me-in jeng daok caga taduan raok tuai damuai atah jaik. Đoàn Sĩ – urang vak di rayo sap ndom VN dok di ban raya HCM brei thau dom jalan ngak dok hu gah du lịch tỉnh Bình Thuận ba tabiak ngak piah lagaih song jit ruak , khik bruk ngak mbang saong patagok tani tanat dalam tuk kan kandah urak ni :

Bruk mesruh pacang Covid-19 di khol drei dok yam tame tuk vak bahrau, tuk rai duik saong bruk ngak mbang di bhap bini dok hu peih tabiak veik, ye dom urang lin biên phòng dok hu mbaok di dom bilai piah pacang caga jit Covid-19 di bhum tapen negar tuk halei jeng khik kajap. Nyaom urang vak di Rayo sap ndom VN daok di ban raya HCM hu kadha vak ndom ka dom urang lin biên phòng hu mbaok tame pacang caga jit di jalan tapen negar song negar ayut Campuchia dalam tuk tabung glong bilan thu. Daa mik va song tong abih gauk tui pang.

Lac bhum taneh njauk palai pajoa biak khang kayua mesruh metak dahlau daih, min meng hatai khang Ðiện Biên Phủ anh hùng, dalam bruk salih bahrau dak padang palei negar, Ðảng bộ, karja song bhap bini dom bangsa tỉnh Ðiện Biên mek hu dom jak jeng prong, tong abih abih. Pahadar 66 thun jayah Ðiện Biên Phủ (7/5/1954-7/5/2020), daa mik va song tong abih gauk mai rivang veik mblang mesruh dahlau deih song dom angan palei hu tame dalam sajarah piah mboh mbaok meta dak harei dak siam mekre jang di Điện Biên, dalam nan hu dom puk palei mik va bangsa tapa kadha vak di Tú Anh angaok mbao Điện Biên:

Anak bruk tua riya pandiak bhang dui atah, aia di dom baoh binek dalam huyện daok trun biar ngak kan kandah oh takik tal bruk ngak nong, huyện Ninh Phước, tỉnh Ninh Thuận hu ba tabiak bruk salih janih phun pala piah khik bruk pala drak hu khang kajap, ba mai kein laba, patagok jien mek tame ka urang ngak nong. Kadha vak hadei ini di Tiến Mạnh hu ndom tal bruk ini:

Hu oh takik panuac ndom lac, mạng xã hội oh karei hagait “labik ngak bruk hu 1 urang”, khin vak hagait tui hatai song oh taduan trách nhiệm kayua taoh klaak kadha vak lac puh saat. Min, urak ni, anak meta mboh oh lac yau nan. Dalam dom harei pacang jit , khaw tin angaok mạng xã hội hu patagok bruk pasang iek, urang ba tagok tin ja (fake news), ndom puac oh njauk, oh biak jeng njauk taong phạt meng dom triệu tal labaih pluh triệu đồng. Jeng meng mạng xã hội, hu oh takik ieu ngak megei boh hatai rilo menuac piah ngak jeng sa pren khang brei thau, rik dong tame “bruk mesruh” pacang jit. Kadha vak hadei ni di Kim Loan angaok mbao SGGP hu dong ka mik va mboh cambaih jang bruk ni:

Rilo sarak hu ba tabiak ngak piah daong ka urang ngak yam tapa vaktu kan kandah ini, abih di nyu lac dom urang ngak daok padeih bruk ngak, lahik bruk ngak atau daok dalam vaktu pa-atah di gauk. Urang vak Bích Ngọc hu kadha vak brei thau cambaih ka bruk ini: