Kol drei bhian tadhau ayuh gauk "kajp kro umo atah, diuk tal sa rituh thun taha", min panuac tadhau ayuh ini mboh yau oh lagaih haong "palei umo atah” di xã Chuyên Ngoại (Duy Tiên - Hà Nam) kayua di labik ini hu biak rilo ong muk taha umo labaih 100 thun min daok hu akaok sahneng hadah krah, prein yava khang kadang. Salam uan Harei urang praong thun Việt Nam 6-6-2020, da-a mikva saong taong abih gauk pang kadha vak di Văn Bảo angaok báo Gia đình và Xã hội piah thau jang bruk diuk lavik, umo atah di dom ong muk daok dalam palei ini:

Puac bilan 5 meng bloh, Mintri ngak nong song patagok palei pala pambuak bruk song UBND tỉnh Đồng Tháp peih nyaom biai tong yaom bruk ngak tui tacei pato pala drak bilan hè thu 2020 song ba tabiak jalan pala drak bilan thu đông thun ni di dom tỉnh, ban bhum Nam Bộ. Kadha vak di urang vak Phạm Hải ndom ka dom jalan ngak piah khik caga siam mekre ka bruk ngak padai bhum taneran krong CL anak bruk langik tasik oh siam lagaih

Meng hu jaik 7.000 sruh kapal gilai taong ikan, dalam nan hu labaih 1.000 sruh hu pren khang meng 300 CV (mã lực) tagok hu pagam caik rilo janih pandap bahrau, urang taong ikan Bình Thuận hu ilamu meng lavik mai ngak kaya meda meng bhum tasik Trường Sa di taneh aia. Dom thun jaik di ini, yaom lac bruk taong mek kaya ikan gaok rilo kan kandah, min dom urang taong ikan pak ini jeng daok tui jalan di ong muk amaik ame, kham merat kak kajap haong tasik.

Meng hu jit ruak Covid-19, rilo urang ngak mai tal Bình Dương ngak bruk duah jien njauk lahik bruk ngak, laik tame kan kandah. Piah daong khik siam mekre raidiuk urang ngak, dom gah, dom pakat haong doanh nghiệp di Bình Dương hu pataom prein yava tame sangka iek glang. Ini hu maong lac bruk praong dalam Bilan urang ngak thun 2020 di Bình Dương. Kadha vak “Pachreih hatai urang ngak dalam bilan jit praong Covid-19” di Thiên Lý- urang vak di rayo sap ndom VN daok di ban raya HCM brei thau ka bruk ini:

Meng harei 4/5, anek saih dalam taneh ia nao bac veik hadei di tukvak padeih lavik harei piah pacang caga Covid-19. Kayua jit ruak jeng daok rah tabiak kan si thau dahlau, dom jalan pacang caga ruak hu dom sang bac ba tabiak ngak biak catang. Kadha vak di kapul urang vak di rayo sap ndom VN daok di ban raya HCM brei thau dom kham merat khik caga siam mekre salamat sang bac di dom tỉnh, ban gah Meraong negar:

Hadei di tuk jit ruak Covid-19 mboh yau pacang hu, dom sang bac ĐH, Học viện, Cao đẳng hu brei sinh viên, urang bac nao bac veik hadei di tukvak suai lavik bac trực tuyến. Yau nan, sang bac ĐH ngak hagait piah plaih ruak njom mbak? Kol drei duah thau tapa kadha vak hadei ini nyé!

Hadei di sa tuk vak tui bruk paatah di gauk piah pacang caga jit Covid-19, Ubbhap bini tỉnh Bình Thuận brei adat ka dom labik pablei salih, dịch vụ hu peih pabah mbang veik.. Tui nan dom labik dok , labik rivang me-in jeng daok caga taduan raok tuai damuai atah jaik. Đoàn Sĩ – urang vak di rayo sap ndom VN dok di ban raya HCM brei thau dom jalan ngak dok hu gah du lịch tỉnh Bình Thuận ba tabiak ngak piah lagaih song jit ruak , khik bruk ngak mbang saong patagok tani tanat dalam tuk kan kandah urak ni :

Bruk mesruh pacang Covid-19 di khol drei dok yam tame tuk vak bahrau, tuk rai duik saong bruk ngak mbang di bhap bini dok hu peih tabiak veik, ye dom urang lin biên phòng dok hu mbaok di dom bilai piah pacang caga jit Covid-19 di bhum tapen negar tuk halei jeng khik kajap. Nyaom urang vak di Rayo sap ndom VN daok di ban raya HCM hu kadha vak ndom ka dom urang lin biên phòng hu mbaok tame pacang caga jit di jalan tapen negar song negar ayut Campuchia dalam tuk tabung glong bilan thu. Daa mik va song tong abih gauk tui pang.

Lac bhum taneh njauk palai pajoa biak khang kayua mesruh metak dahlau daih, min meng hatai khang Ðiện Biên Phủ anh hùng, dalam bruk salih bahrau dak padang palei negar, Ðảng bộ, karja song bhap bini dom bangsa tỉnh Ðiện Biên mek hu dom jak jeng prong, tong abih abih. Pahadar 66 thun jayah Ðiện Biên Phủ (7/5/1954-7/5/2020), daa mik va song tong abih gauk mai rivang veik mblang mesruh dahlau deih song dom angan palei hu tame dalam sajarah piah mboh mbaok meta dak harei dak siam mekre jang di Điện Biên, dalam nan hu dom puk palei mik va bangsa tapa kadha vak di Tú Anh angaok mbao Điện Biên:

Anak bruk tua riya pandiak bhang dui atah, aia di dom baoh binek dalam huyện daok trun biar ngak kan kandah oh takik tal bruk ngak nong, huyện Ninh Phước, tỉnh Ninh Thuận hu ba tabiak bruk salih janih phun pala piah khik bruk pala drak hu khang kajap, ba mai kein laba, patagok jien mek tame ka urang ngak nong. Kadha vak hadei ini di Tiến Mạnh hu ndom tal bruk ini: