Di dom ban prong, rilo menuac yau Hà Nội atau TPHCM, chung cư hu padang tagok dak harei dak rilo song hu rilo urang palih ruah piah dok .Labik dok ni hu mong lac văn minh di dom negar karei, min di negar drei urak ni dok rilo tavak tavaiy, rah tabiak rilo srau kadau, meriak gauk quyền lợi di po padang ngak song urang daok. Bruk ni di ban raya HCM rah tabiak yau habar song panuac halei langyah ka bruk meriak gauk di chung cư? Kadha vak di Duy Phương, urang vak di rayo sap ndom VN dok di ban raya HCM hu ndom ka bruk ni:

Meng hu jalan ngak njauk dalam bruk dui pachreih urang buh jien tame ngak mbang, ba tabiak jalan daong palagaih di abih piah dui pachreih urang tame ngak mbang, patagok dom danak dak ribau tỷ rik dong jhul patagok kinh tế, Ninh Thuận dok jeng sa kadha bahrau dalam bruk patagok KT-XH di negar drei. Kadha vak hadei ni angaok harak mbao Bình Thuận hu ndom ka jalan ngak di Ninh Thuận tuk vak tapa, abih di nyu nan lac gah du lịch song năng lượng tái tạo:

Meng rilo bruk ngak siam lagaih, urang jakar, urang lin Bộ đội biên phòng Kiên Giang song bhap bini bhum tapen negar kham merat yam tapa kan kandah, glaih glar, dong ka mik va patagok kinh tế. Meng nan padang hu hatai jia dalam bhap bini, ieu pataom hu pren khang di tong abih bhap bini piah “yaok urang tapen negar lac sa cột mốc daok duik”, rik dong khik caga khang kajap quyền ngak po taneh ia, padang jalan tapen negar sron mbon, tani tanat, pambuak gauk song patagok . Urang vak Lam Hiếu, Jabat lambaok rayo sap ndom VN dok di bhum taneran krong CL hu kadha vak ndom tal bruk ni :

Thun 2018, piah khik ramik saong cak rok patagok ilamo Khmer Nam bộ, tỉnh Trà Vinh tabiak sarak piah daong cak rok patagok bruk rivang ma-in bhap bani tal thun 2020. Meng nan, Danak dak “Palei ilamo du lịch Khmer Trà Vinh” hu tabiak rai, pachreih patagok bruk padang mbang angui meng cak rok du lịch pambuak pagam haong khik ramik ilamo, saong ba bruk ngak ka bhap bani urang bangsa takik, rik daong patagok kinh tế di puk palei. Kadha vak di Song Vy – Angaok harak báo Bangsa saong cakrok điện tử hu ndom tal bruk ini:

Phước Long lac huyện kathaot, bhum atah bayah di tỉnh Bạc Liêu. Hadei di tuk hu Trung ương pilih ruah lac huyện duy nhất di bhum taneran kraong CL; saong lac 1 dalam 5 huyện pato tacei ngak iek di dalam negar ka bruk padang ngak palei pala bahrau vaktu 2010 – 2015, tui sarak 491 di Thủ tướng rajaei, Đảng bộ, karja saong bhap bini pak ni hu ba gauk ngak danak dak ni. Atah di ni 3 thun, Phước Long hu brei angan lac mek hu chuẩn palei pala bahrau saong urak ni lac huyện daok kham marat yam taok palei pala bahrau kiểu mẫu.

Patagok mblang bein nan lac jalan nao bahrau di mikva urang nong tỉnh Phú Yên. Langiu di bruk brei hu phun jien piah ngak tuk camereip, palih ruah phun pala, anek raong ka nyu laghaih saong khik hu pandap panda kaya nong hacih sa-at … ye bruk pacang caga haong langik tasik oh lagaih yau tukvak jaik di ini jeng lac kadha kan kandah. Yau nan min, mikva urang nong Phú Yên hu yam tapa dom kan kandah tuk camereip, ngak jeng dom mblang bein angaok mbuan caik bak phun bak baoh.

Bhap bini Cam Ninh Thuận saong Bình Thuận atau daok lac bhap bini urang Cam Panduranga. Tukvak tapa, oh lac buh jien tame padang ngak kraong ribaong, binek ia, jalan mbak..di bhum urang bangsa Cam Panduraga, dom tỉnh Ninh Thuận saong Bình Thuận daok pandar hu siam dom phun jien di negar, tỉnh saong dom phun jien karei piah ngak mbang patagok kinh tế - xã hội, paglaong raidiuk bhap bini urang Cam. Dom palei Cam bhum taneh Panduranga lac labik hu labaih 130 ribau urang Cam daok, dak harei dak salih brau, raidiuk mikva hu ginup meda jang. Đoàn Sĩ – urang vak di Rayo sap ndem Viet Nam hu kadha vak brei thau ka bruk nan:

Mbang tamuh jit Covid-19 ka 2 ngak brei gah du lịch dom tỉnh Ninh Thuận, Bình Thuận, Bà Rịa – Vũng Tàu gaok kan kandah trak. Taong abih tuai kakei dahlau jeng klaak tour, rilo mblang tasik jeng hu tuai min rilo meng lac menuac dalam palei… kapul urang vak di rayo sap ndom VN daok di ban raya HCM hu kadha vak brei thau ka kan kandah ini, gam haong kham merat di dom puk palei piah gam pacang jit hu siam, gam khik hu siam mekre ka tuai damuai.

Meng bruk di dalam raidiuk, bruk cách mạng saong bruk dak padang CAND dalam vaktu bahrau, bruk pakacah gauk “Brei ka an ninh palei negar” dalam gah Công an, hu Công an dom đơn vị, dom tỉnh ban, puk palei peih ngak biak gheih, biak siam saong mek hu rilo siam mekre njauk uan tabuan. 222 urang mai pataom mbaok dalam nyaom roya “Brei ka an ninh palei negar” mbang ka VIII di gah Công an bhap bini hu peih tabiak ngak di Hà Nội harei 8/8 meng blaoh lac lambaok ka yaok rabau kreih camin “Menuac gheih, bruk siam” dalam dom bruk pakacah gauk khik caga an ninh palei negar. Da-a mikva saong taong abih gauk tui pang:

Bù Gia Mập lac huyện bhum tapen negar hu rilo kan kandah di Bình Phước. Dom thun tapa, dom pakat ủy đảng di Bù Đăng hu rilo jalan ngak gheih, bahrau, rik dong patagok ilamu ngak bruk di urang pal akaok song pren khang di Đảng, abih di nyu nan lac sangka patagok parilo urang đảng lac urang bangsa takik di bhum tapen negar song di bhum palei pala. Kadha vak di Vũ Thuyên brei mboh dom siam lagaih di bruk patagok parilo urang đảng dalam bhap bini bangsa takik tuk vak tapa, daa mik va song tong abih gauk pang: