Hadei di jaik 2 thun peih ngak Danak dak 938 di Thủ tướng Raja-ei ka “Pathau khan, pato pakai, jak ba, daong urang kamei hu mbaok tame langyah dom bruk pambuaktal urang kamei” vaktu 2017 – 2027 (iew katut lac Danak dak 938), Kapul urang kamei tỉnh Ninh Thuận hu peih ngak rilo bruk piah paglaong akaok saneng saong bruk ngak ka urang jaka, urang hội ka dom kadha pambuak pagam tal baoh sang, rik daong paglaong siam lagaih dalam bruk khik, iek urang kamei saong uranaih.

Tukvak 2015-2020 urang ngak hu bac megru bruk ngak di ban raya HCM hu labaih 85% . Tapa nan hu rik daong prong ka bruk patagok ilamu menuac ngak di ban prong yau ban raya HCM. Daa mik va song tong abih gauk pang kadha vak di Quang Hòa song Mạnh Hòa angaok mbao SGGP brei thau dom siam lagaih di bruk pato bruk ngak pambuak pagam sang bac song doanh nghiệp:

Ninh Thuận saong Bình Thuận lac dua tỉnh hu rilo urang Cam. Kayua yau nan ye, ilamo Cam dalam bhap bani mboh biak mbak carak, brei mboh tapa khan ao, ilamu padang ngak, điêu khắc, bruk ngak gaok glah lan am, menyim jih dalah…. Katê 2020 rah tabiak meng harei 15 tal 17/10 anak tal jeng lac sa bruk prong hu peih ngak yaok thun di bhap bani Cam. Đoàn Sĩ – urang vak di rayo sap ndom VN daok di bal raya HCM hu kadha vak “Katê mai tal dom palei Cam”. Daa mikva saong taong abih gauk tui pang:

Salam uan nyaom roya mbang ka XI di Đảng bộ ban raya HCM peih tabiak , pamong tal nyaom roya pakat negar mbang ka XIII di Đảng, piah mong iek veik dom jak jeng di Đảng bộ song bhap bini ban roya dalam 10 mbang tapa, saong piah pabak brei bhap bini khin duah thau ka dom mbang Nyaom roya di Đảng bộ ban raya, khol hulin likau yaih khan kadha vak “Jak jeng di Đảng bộ TPHCM – Meng nyaom roya tal nyaom roya...” di Tường Thanh angaok mbao SGGP:

Harei 11/10 meng bloh , di ban ine Hà Nội, Kapul urang nong Việt Nam pakat negar peih ngak dom bruk salam uan di tuk pahadar 90 thun harei padang kapul urang nong VN (14/10/1930-14/10/2020). Dalam nan, mbang camereip peih bruk pok meyaom 90 urang dang akaok dhar kapul urang nong naih ghieh thun 2020. Daa mik va song tong abih gauk pang kadha vak di Minh Ngọc brei thau ka bruk pok meyaom akaok dhar kapul urang nong naih ghieh di ban ine dalam mbang ni:

Kayua jit prong Covid-19, rilo doanh nghiệp gaok kan kandah song njauk khat lahik trak. Min, tui dom chuyên gia tong yaom, ni jeng lac jalan piah ka dom doanh nghiệp brei mboh yaom glaong patagok khang kajap meng bruk ngak tabiak dom yaom glaong bahrau, dak padang ilamu doanh nghiệp. Rilo doanh nhân, ilamu doanh nghiệp lac pren khang piah praong tagok song yam tapa ngin ribuk. Pahadar harei Doanh nhân Việt Nam 13/10, Urang vak Nguyễn Hằng hu kadha vak ndom ka bruk ni

Dalam 10 thun peih ngak danak dak bruk ngak negar padang ngak palei pala bahrau, tỉnh Bạc Liêu hu ngak brei njauk hatai glong dalam bhap bini, meng nan ieu pataom hu rilo rahrta ba tangin tame, rik pren hu mbaok tame ngak bruk ni ba mai dom siam lagaih. Kadha vak di Tấn Phong, urang vak di rayo sap ndom VN dok di bhum taneran krong CL.

Danak “Yaok xã sa janih pandap” (iew katut lac OCOP) hu peih ngak di jaik abih dom tỉnh ban dalam negar, ngak tabiak yaok ribau janih pandap, dalam nan rilo janih pandap siam hu pagam 4 saong 5 patuk. Ini lac janih pandap karei di yaok tỉnh, ban saong bhum palei.

Yaok ribau urang kathaot, jaik kathaot saong dom urang mbang tui sarak kanja karei hu masre jien yaom laba bier, ba bruk ngak, daong ka rilo sang, dalam nan hu dom sang bangsa takik tabiak truh kathaot, yam tagok ngak kaya mada. Dom bruk ngak hu brei mboh gilang pariak sarak kanja dhar Bình Thuận hu ba jalan ngak, sarak di Đảng saong Karja tame dalam raidiuk.

Dahlau diah, di bhum taneh ngak nong yau xã Tân Hưng Đông (huyện Cái Nước, Cà Mau) tuk yam takai tabiak truh di sang ye gaok gluh bhok. Dom thun jaik di ini, dom alan bê tông hu salih ka dom jalan taneh haluk. Lingiu di nan, bruk padang ngak dom labik daok bahrau daok hu daong ka mbaok meta puk palei hadah hadai tagok.