8 thun tapa, abih di nyu nan lac dalam vaktu di nyaom roya mbang ka 12 di Đảng, bruk mesruh pacang tham nhũng hu ngak biak catang, kham merat prong, oh hu vùng cấm, oh hu ngoại lệ… Tham nhũng tuk camereip hu pacang, cakak, rik dong khik ramik Đảng hacih saat, khang kajap song pakhang hatai jia di bhap bini tame Đảng song karja. Piah ngak hu jak jeng bruk mesruh pacang tham nhũng, brei hu rilo jalan ngak samu gauk, praong di abih lac ba hatai kham merat jeng bruk ngak di yaok urang jakar, urang đảng song bhap bini. Ni lac asal kadha hu Lại Hoa ndom tal dalam kadha vak hadei di ni

Langui di bruk peih dom mbang pathau khan ka adat hukum pataom rilo menuac, urang lin Biên phòng tỉnh Điện Biên dok ba tabiak rilo jalan ngak gheih piah dong ka mik va dom bangsa bhum tapen negar hu thau adat hukum di karj. Kadha vak di Vũ Lợi, urang vak di rayo sap ndom VN dok di bhum Tây Bắc:

Tui yaok pataom di Mentri Công an, meng thun 2011-2018, dalam negar rah tabiak 3.285 bruk pambuak pagam tal 4.800 urang pachot pablei 7.200 manuac. Dom bruk pablei salih manuac rah tabiak grauk abih 63 tỉnh bal ngan haong jaik 90% lac pablei salih menuac tabiak negar langiu, rilo meng lac pablei tapa Trung Quốc, dalam nan hu 430 bruk pablei salih manuac umo ala 16 thun. Ini lac bruk jhak praong caik ka dom jabat pambuak pagam tal, Karja saong taong abih bhap bani njauk paglaong hatai saneng saong abih hatai peih bruk khik caga siam mekre, plaih pandik harao, metai lahik di uranaih.

Bahrau ini, mentri ngak nong saong patagok palei pala hu pambuak bruk haong UBND tỉnh Yên Bái peih nyaom biai pataom iek veik bruk padang ngak palei pala bahrau bhum biak kan kandah (ĐBKK) vaktuk 2016 - 2020, pamong tal vaktuk 2021 – 2025. Nyaom biai hu mbaok di dom urang lambaok dom ban, bộ, ngành, lambaok dom kapul nyaom dunya haong urang lambaok ka 47 tỉnh, bal hu xã, puk palei biak kan kandah dalam negar. Kadha vak di urang vak Trịnh Thừa Xuân brei thau cambaih bruk ngak hu dalam 5 thun padang ngak palei pala bahrau bhum biak kan kandah vaktu 2016-2020 tapa khaw tin meng Nyaom biai ini:

Kumei me-in lac bruk jhak ka xã hội, oh njauk haong adat cambat tanarakun siam mekre di bangsa, jhak tal pren yava, tal bangsa, tal rai diuk saong ilamo di bangsa saong ba mai rilo kanjah jhak ka bruk cak rok patagok di taneh aia… Kayua yau nan ye, khoal drei njauk pacang cakak, jhul kadhul likuk bruk ini:

Hadei di 88 harei dalam negar oh hu urang halei njaom COVID-19 dalam bhap bani, biar harei 30-11, di bal raya HCM hu mboh urang njaom mbak meng urang brei daok karei lac urang ruak 1347. Bruk hu mboh urang ruak Covid-19 dalam bhap bani di bal raya HCM hu brei thau makna lac kayua bruk ngak suan di sa urang, taphia di nan Vietnam Airlines (VNA) jeng pacadu dalam bruk khik iek. Hadei di ini lac kadha vak angaok harak báo “Người lao động” hu ndom ka bruk ini gam haong panuac brei thau di dom chuyên gia y tế ka bruk mbuan tamuh khang jit ruak meyah oh ngak njauk dom adat hukum saong dom jalan pacang caga jit:

Kanduh klaok ia yamen, thung ba-ar atau ba-ar klaak, nding ia atau pa-kô katak khut, pacah… dahlau daih hu ba nao klaak ngak brei nerak tachauk alam môi trường ye urak ini urang kumei di tỉnh Sóc Trăng ba gauk pataom mek saong parabha janih piah pablei hu jien. Jalan ngak ini hu adei sa-ai caik angan ieu lac “Ngak brei nerak jeng jien”. Hadei di rilo thun peih tabiak ngak, tapa nan nyu daong patrun bruk prah nerak tabiak ban glai ban klo, daong ka alam môi trường dak harei dak hijao, hacih, mekre.

Bilan 8 thun 2020, Labik rivang ma-in Mũi Né, tỉnh Bình Thuận hu pok brei angan lac Labik rivang ma-in pakat negar. Bruk ini caik ka Bình Thuận oh lac tok pataom tame ngak siam dom kadha pabak ka bruk rivang ma-in, pabak dom tiêu chí di labik rivang ma-in pakat negar bo daok brei khik hu siam mekre bruk patagok kinh tế saong khik ramik ilamo puk palei. Hu yau nan, Mũi Né meng ngak jeng kadha karei jang, dui pachreih tuai damuai, ngak jeng labik njauk caik hatai angaok bản đồ rivang ma-in Việt Nam. Đoàn Sĩ, urang vak di rayo sap ndom VN daok di bal raya HCM hu kadha vak ndom ka bruk ini:

Gam haong dom tỉnh ban dalam bhum Đông Nam Bộ yau ban raya Hồ Chí Minh, Bình Dương, Bà Rịa- Vũng Tàu….Đồng Nai lac tỉnh hu rilo kein lagaih ka cakrok bruk ravang me-in, abih di nyu lac dom janih du lịch sinh thái pambuak haong ravang iek dom inem krung sajarah – ilamu. Thau cambaih dom siam lagaih saong dom tavak tavaiy, du lịch Đồng Nai daok ba tabiak rilo jalan padang angan du lịch di tỉnh, rik daong brei mboh labik dang angaok bản đồ du lịch bhum kinh tế praong gah meraong. Da-a mikva saong taong abih gauk pang kadha vak di kapul urang vak TTX Việt Nam ka bruk yam tagok di tỉnh ini dalam cakrok bruk du lịch, ravang me-in.

Hadei di jaik 5 thun peih ngak danak dak pakat negar ka bruk patrun kathaot khang kajap (vaktu 2016-2020), baoh sang kathaot di Gia Lai hu trun, meng 19,7% trun daok oh ka tal 4,5%. Abih di nyu lac di dom palei bangsa takik baoh sang kathaot meng 40,2% trun daok oh ka tal 6,5%; bhap bani hu salih jalan saneng, jalan ngak; salih janih phun pala, duah jalan ngak mbang, patagok jien mek tame khang kajap. Jak jeng nan brei mboh dom kham merat di Đảng bộ, karja dom pakat dalam tỉnh, dalam bruk peih ngak siam dom danak dak patrun kathaot.