Tukvak tapa, tỉnh Bình Thuận biak caik hatai sangka peih ngak siam dom sarak bangsa. Mai meng nan, mbaok meta, rai diuk bhum urang bangsa takik saong bhum ceik di tỉnh dak harei dak salih bahrau saong trei sil. Kadha vak di Lê Vũ angaok harak báo Bangsa saong Patagok daong ka khaol drei mboh cambaih jang siam lagaih di bruk peih ngak sarak bangsa di tỉnh ini:

Jalan padang mbang angui hu dom urang ilamu taong yaom lac bak kan kandah, min urak ini jeng daok hu rilo dam dara, ayut ranaih ba drei tame ngak, dalam nan hu gah ngak nong. Yau nan min, piah ba hu pandap panda hacih sa-at, hu angan je tal urang blei pandar, brei hu hatai takre, oh huac glaih glar saong buh jien tame ngak suai lavik. Piah plaih bruk yau Yuan lac “được mùa mất giá” ye brei hu jalan ngak atah dhua ka bruk ngak nong hacih sa-at. Bruk ini hu ndom tal tapa kadha vak di Gia Bảo angaok harak báo SGGPP:

Dalam jaik 10 thun ini mai, Mentri jalan mbak pajeng ba hu 3 mbang ramik veik Quy chuẩn negar ka báo hiệu jalan kabak - Quy chuẩn 41 (QCVN 41: 2019). Quy chuẩn 41 hu padang ngak piah njauk haong công ước dunya, lagaih haong bruk cak rok patagok nao mai di negar drei, yau nan min dom biển báo, tacei bruk nao mai angaok rilo jalan jeng daok oh ka lagaih, mbuan ba tal bala angaok jalan nao mai. Mạnh Phương, urang vak di rayo sap ndom VN hu kadha vak ndom tal bruk ini.

Harei 26-10, di mbang nyaom ka 10, Quốc hội hu ginum biai ka sarak pok tagok rajaei ka Dự thảo sarak padang karja đô thị (CQĐT) di ban raya HCM, kadha prong lac oh hu HĐND quận, phường. Tui kuhria , Quốc hội meda brei tapa Dự thảo sarak ni dalam harei 16-11 anak tal. Kadha vak hadei ni du Mai Hoa – urang vak di harak SGGP hu ndom tal kadha pataom mbaok tame bruk peih ngak di ban raya HCM abih di nyu nan lac bruk khik kajap quyền lambaok, quyền ngak po di bhap bini:

“Duis kayua dahlak” lac dalikan papar sap ndem tal sa baoh sang di palei oh ngak tui bruk jak ba rik jien tame ka bruk pataom mek hareik dalam palei. Baoh sang nan diukrai saong hareik harom. Tapa nan ba tal menuac di sang nan njom ruak trak mai meng nerak tachrauk. Dalikan ini kayua Kapul papar sap Bangsa di Rayo papar sap – Papar binguk tỉnh Bình Thuận ngak tabiak.

Yaom lac daok rilo kan kandah, kurang jien padai min labaih 2 thun tapa, xã Đắk Ơ, huyện Bù Gia Mập, tỉnh Bình Phước hu ba kapol urang pataom mek hareik dalam palei tame ngak bruk, rik daong khik hacih sa-at alam moi truong dalam palei. Piah thau cambaic jang ka bruk khik hacih alam moi truong jeng yau dom kan kandah di palei ini, kadha vak hadei ini di Thu Thảo angaok Mbao Bình Phước:

Ninh Phước lac huyện hu rilo urang Cam di tỉnh Ninh Thuận. Tukvak tapa, dom puk palei dalam huyện Ninh Phước kham merat yam tapa kan kandah, pataom tame peih ngak dom bruk di danak dak padang ngak palei pala bahrau saong mek hu rilo siam mekre. Ninh Phước hu jeng huyện akaok mereip di tỉnh Ninh Thuận ngak hu dom tiêu chí padang ngak palei pala bahrau.

Dom harei tapa, yaok ratuh kapul ngak pahla meng grauk labik dalam taneh ia mai tal dom tỉnh bhum kreh negar piah daong ka mikva bhum ia sua yam tapa kan kandah. Taong abih jeng caong daong ka mikva bhum ia sua samar tani tanat raidiuk, yam tapa kan kandah di anak meta. Bruk daong chip nan hu daong ka mikva cadu meneing pandik harao. Min bruk hu dom kapul ngak pahla eng drei nao daong tal dom bhum biak kan kandah, mbuan gaok bala, pandap daong tal tangin rahra bhum ia sua hu labik rilo, labik takik, gaok mai pandap bo rahra bhum ia sua daok caong ye oh hu… ba tal dom panuac ndom cagar gauk, karei di gauk. Kadha vak di kapul urang vak di rao sap ndom VN daok di bhum kreh negar hu ndom tal bruk lac ngak habar piah ka pandap daong gam njauk, gam samar tal tangin urang caong daong saong khik hu siam mekre, salamat ka dom urang nao daong:

Ninh Phước lac huyện hu prien khang gah ngak nong di tỉnh Ninh Thuận ngan saong 23.500 ha taneh pala drak, dalam nan hu labaih 18.000 ha caga hu ia luac thun gam saong rilo phun pala, athur raong, kaya ikan hu yaom glaong. Piah patagaok năng suất saong tagok yaom di sa labik taneh pala drak, ngak tui jalan thâm canh khang kajap, thun 2017, huyện Ninh Phước hu peih ngak mô hình mblang hamu praong di dom phun pala rilo dalam huyện yau ye padai, tangei, măng tây... Tapa 3 thun peih ngak, mô hình ni hu ba mai kein laba yau habar ka bhap bini labik ni?

Dom thun tapa, tỉnh Lâm Đồng oh padieh sangka buh jien tame, daong saong ba mbuan lagaih di abih ka dom bhum kan kandah, ka bhap bini bangsa takik cak rok patagok. Gam haong nan, meng bruh salih khang jalan saneng, jalan ngak di bhap bini, kham marat yam tagok, bruk ngak mbang kinh tế di tỉnh hu salih bahrau biak siam, dom sang kan kathaot dalam tỉnh trun samar urak ni tok daok 1,3%.