Harei ini, yau dom cử tri dom bangsa adei sa-ai dalam negar, cử tri urang Cam tỉnh Ninh Thuận chreih chrai ba gauk nao bầu cử, pilih ruah tabiak dom urang naih gheih, siam hatung hatai, piah lambaok ka hatai caong saong quyền ngak po di bhap bini. Jeng yau cử tri di rilo labik karei, bhap bini Cam caong lac dom urang hu pilih ruah, meda ngak abih drei piah ngak hu panuac sanya anak bhap bini. Kadha vak di urang vak Đoàn Sĩ brei thau ka bruk nan meng dom palei Cam Ninh Thuận:

Bruk pacang caga jit Covid-19, khik salamat ka bruk pilih ruah daok hu dom pakat, dom gah chức năng di Cà Mau peih ngak. Sa dalam dom bruk hu caik hatai sangka di abih lac ngak habar piah ka dom menuac mai meng bhum jit hu pilih ruah bo daok khik hu salamat, pacang caga jit ruak. Urang vak Trần Hiếu hu kadha vak brei thau:

An Giang lac tỉnh hu jalan tapen negar atah, jiak haong Campuchia saong hu rilo urang jakar, urang lin dok ngak bruk khik caga bhum tapen negar. Anak bruk jit ruak Covid-19 dok rah tabiak srau kadau, dom gah salih gauk khik iek luac harei melam, gam pacang pablei salih suan adat hukum gam pacang cakak menuac tame negar suam hukum, nduac dauk labik brei dok karei. Yau nan, An Giang ngak hagait piah ka dom kapul khik iek bhum tapen negar gam ngak siam bruk hu jao brei, gam hu mbaok peih ngak quyền song bruk ngak di cử tri? Daa mik va song tong abih gauk pang kadha vak hadei ni di Phan Ánh, urang vak di rayo sap ndom VN daok di bhum taneran krong CL:

Pathau mikva saong taong abih gauk! Gam haong dom jabat, kapul njaom… Kapul dam dara dom pakat dalam tỉnh Đắk Lắk daok patagok bruk pathau khan tal taong abih urang đoàn, dam dara ka makna, ka yaom glaong di bruk palih ruah, thau ka quyền saong bruk ngak di yaok cử tri,, abih di nyu lac urang mbang akaok mereip nao buh phiếu piah hu hatai sahneng yau gauk ka bruk chính trị dalam yaok urang đoàn, dam dara saong bhap bani, pamaong tal bruk peih ngak hu jak jeng bruk pilih ruah urang ka QH mbang XV saong urang ka HĐ bhap bini dom pakat vaktu 2021-2026. Kadha vak di Hương Lý, urang vak di rayo sap ndom VN daok di Tây Nguyên brei thau ka bruk nan:

Đồng Nai lac tỉnh hu bruk raong menuk haong pabui praong abih dalam taneh ia. Taphia kein laba kinh tế ye gah raong glang jeng ba mai dom bruk oh siam ka tỉnh Đồng Nai, dalam nan hu bruk nerak tachauk alam môi trường. Piah patrun patakik bruk ini, tukvak tapa, lingiu di bruk pathau khan, jak ba dom labik raong glang brei hu jalan ngak pasiam, patrun tal tanut biar di abih bruk nerak tachauk, jabat chức năng di tỉnh Đồng Nai jeng khang hatai langyah rilo labik ngak brei nerak tachauk alam môi trường. Kadha vak di Lê Vũ - Bảo Trần angaok báo Bangsa saong Patagok hu ndom tal bruk ini:

Labaih 10 thun kham merat ba tabiak bruk pala long tui jalan VietGAP, kayua jien mek tame jeng oh ka pachreih hu rilo, darak pasar jeng oh ka tani tanat nan ye urak ini, ralo urang ngak nong Bình Thuận oh ka khin salih tapa pala janih baoh kayau ini tui jalan angaok nan. Kadha vak di Nguyễn Tiến angaok báo SGGP brei thau ka bruk ini:

Hukum kaya ikan 2017 song sarak di Mintri Công thương tabiak bruk pablei salih xăng menyek angaok tasik dok ngak brei tong abih kapan dịch vụ hậu cần bruk ngak ikan di Bà Rịa – Vũng Tàu yaom yaok rituh tỷ đồng, hu ngak tui sarak 67 di rajaei njauk dok angaok thu. Yau nan, ngak habar piah lang talaik ka urang tong ikan, daong palagaih ka dom kapal hu tabiak tasik tong chap. Kadha vak di Gia Khang urang vak di rayo sap ndom VN dok di ban raya HCM hu ndom ka bruk ni.

Mai veik dom xã hu rilo urang Chăm di tỉnh Bình Thuận dalam dom harei bilan 4 sajarah ni, khol hulin biak tatuah drei anak dom salih bahrau di dom palei Chăm ngan song sang danaok, jalan mbak palei pala hu siam mekre, cơ sở hạ tầng hu buh jien tabiak ngak biak siam … Nan lac bruk ngak hu di tong abih gah di karja, gam haong bruk kham merat yam tagok di mik va Chăm. Hadei di 46 thun harei peih paha Bình Thuận (19/4/1975 – 19/4/2021) mbaok meta puk palei bhum urang Chăm dak harei dak hadah hadai tagok. Kadha vak di Jasi – urang vak di rayo sap ndom VN dok di ban raya HCM ndom ka bruk salih bahrau ni:

Hu mbaok ngak abih drei saong kein lagaih tame Công ước Liên hợp quốc ka quyền di urang jaoh jo, Việt Nam hu tabiak rilo sarak daong ka urang jaoh jo ba mai siam lagaih, kein laba mboh di anak meta, daong ka urang jaoh jo khang hatai yam tagok dalam raidiuk, ba drei tame haong puk palei. Min, bruk CNH, đô thị hóa samar nyu ngak kan kandah tal urang jaoh jo, caik ka Việt Nam brei hu dom sarak daong hu siam lagaih jang, pabak siam jang hatai caong di urang jaoh jo . Kadha vak di Ngân An angaok báo Nhân Dân hu ndom ka bruk ini:

Di ban raya HCM hu sa tal pato piano biak karei brei ka dom urang praong thun. Tame bac tal bac ini, dom urang bac praong thun lingiu di bruk hu pabak hatai takre gah ragu ragam, daok hu pasiam biak rilo gah prein yava, rup pabhap haong akaok sahneng piah diukrai bui sambai, diukrai hu kein ka menuac sia, ka dunya. Da-a mikva saong taong abih gauk mai ravang tal bac biak karei ini tapa kadha vak di Minh Thắm – urang vak di rayo sap ndom VN daok di ban raya HCM: